אפעראציע (מאטעמאטיק)

פֿון װיקיפּעדיע
שפּרינג צו: נאַוויגאַציע, זוכן
געוויינטלעכע מאטעמאטישע אפעראטארן:
+ - פלוס (צוגאב)
- - מינוס (אראפנעם)
\times - מאָל (טאפלונג)
\div - צעטייל (צעטיילונג)

אן אפעראַציע אין מאטעמאטיק און לאגיק איז א פעולה אדער פראצעדור וואס שאפט א נײַעם ווערט פון איין אדער מער איינגאב ווערטן, וואס מען רופט "אפעראנדן". בעיקר זענען פאראן צוויי סארטן אפעראציעס:: אונאריש און בינאריש. אן אונארישע אפעראציע רירט אן נאר איין ווערט, למשל פארניינונג און טריגאנאמעטרישע פונקציעס. פון דער צווייטער זייט, בינארישע אפעראציעס הייבן אן מיט צוויי ווערטן, און שליסן איין צוגאב, אראפנעם, טאפלונג, צעטיילונג, און פאטענץ.

אפעראציעס קענען פועלן אויך אויף אנדערע מאטעמאטישע אביעקטן, אחוץ נומערן. די לאגישע ווערטן וואר און פֿאלש קען מען קאמבינירן מיט לאגיק אפעראציעס, ווי און, אדער און נישט. וועקטארן קען מען צוגעבן און אראפנעמען. ראטאציעס קען מען קאמבינירן מיט דער פונקציע צונויפשטעלן אפעראציע, קודם די ערשטע ראטאציע און דערנאך די צווייטע.