אפריקאס

אפריקאס
אפריקאס פרוכט
וויסנשאַפֿטלעכע קלאַסיפֿיקאַציע
קעניגרייך: Plantae אָפטייל: Magnoliophyta קלאַס: Magnoliopsida סדר: Rosales פֿאַמיליע: Rosaceae מין: Prunus אונטער-מין: Prunus אפטיילונג: Armeniaca זגאַל: P. armeniaca
בינאמינאלישער נאמען
Prunus armeniaca L.

דער אפריקאס (Prunus armeniaca, "ארמענישער פֿלוים" אין לאטיין) איז א זגאל פון Prunus. באטאניקערס מיינען אז ער שטאמט פון כינע און צענטראל אזיע, אפשר אויך קארעע און יאפאן.

אפריקאסן (אויך פערשקעס, קארשן און פֿלוימען) זענען שטיינפרוכט.

באשרייבונג

דער אפריקאס בוים איז קליין (8-12 מעטער); זיינע בלעטער זען אויס ווי א שפיציקן הארץ, ברייט 8 צ"מ. די בלומען זענען ווייס אדער ראזעווע, מיט פינף קרוינבלעטלעך. די פרוכט האט איין זאמען אין א שטיין; איר קאליר איז געל אדער אראַנזש און כמעט האט נישט קיין האר, און איר דיאמעטער איז 2 צ"מ.

פראדוקציע

צען הויפט אפריקאס פראדוצירערס— 2005 (1,000 טאנען )
טערקיי	390
איראן	285
איטאַליע	232
פאקיסטאן	220
גריכנלאנד	196
פראַנקרײך	181
אַלזשיר	145
שפּאַניע	136
יאפאן	123
מאראקא	103
סיריע	101
וועלט סה"כ	1916
מקור:

אפריקאסן ארויסגאב אין 2005

טערקיי איז דער הויפט פראדוצירער פון אפריקאסן, איראן דער צווייטער. אין ארמעניע וואקסן אפריקאסן אינעם אררט טאל.

אין דער קעך

אפריקאסן קען מען עסן רוי אדער געקאכט. געטרוקענטע אפריקאסן האלטן זיך לאנג און זענען אויך געשמאק. מען מאכט אפריקאסן קאנסערוון וואס מען קען שמירן אויף ברויט אדער ניצן ביים קאכן.

מעדיציניש

אפריקאסן זענען גוט קעגן עצירות. אפילו דריי זענען גענוג.

זעט אויך

• רשימה:פרוכט