אייפאן

פֿון װיקיפּעדיע
(אַריבערגעפֿירט פון IPhone)
שפּרינג צו: נאַוויגאַציע, זוך
אייפאון צען לאגא
iPhone X

אייפֿאן (ענגליש: iPhone) איז א ליניע פון סמארטפאנען אויסגעשטעלט און געבויעט דורך דער עפל פירמע.

ער לויפט אויף די iOS (געליינט "איי-אָס") אפערירן-סיסטעם.

דער ערשטער מאָדעל אייפאן איז ארויסגעגעבן געווארן אום י"ג תמוז, תשס"ז (דעם 29סטן יוני 2007).

דער באניצער-אויסשטעל (UI) איז געבויט ארום דער כלי'ס מאלטי-טאטש עקראן, וואס קומט מיט א ווירטועלן-קלאפטאוול. דער אייפאן האט וויי-פיי און האט די מעגליכקייט זיך צו באהעפטן צו צעלולארישע באהעפטונגען. אן אייפאן קען כאפן ווידעא (וואס איז ערשט צוגעקומען ביי אייפאן 3GS), נעמען בילדער, שפילן מוזיק, שיקן און באקומען אי-מעיל, נאכגיין GPS אנווייזונגען, שרייבן נאטיצן, מאכן מאטעמאטישע חשבונות, און באקומען וויזואלע וואויסמעיל.

אנדערע פונקציעס, ווי למשל ווידעא-שפילן און סאציאלע-מעדיע קענען באניצט ווערן דורכ'ן אראפלאדענען "עפס" פון עפל'ס עפ-געשעפט. אין יאנואר 2017 איז געווען צו באקומען 2.2 מיליאן עפס פארן אייפאן אויפ'ן געשעפט.

נאמען[רעדאַקטירן | רעדאקטירן קוואַלטעקסט]

דער נאמען אייפאן שטאמט פון עפל'ס "איי" וואס זי נוצט פאר אירע פראדוקטן זינט זי האט ארויסגעגעבן די פירמע'ס מערסט פאפולערן קאמפיוטער דעם איי-מעק iMac. זינט דעמאלט ווערן די פראדוקטן ווי איי-פאד און איי-פעד אונטערגעשטיצט פונעם iOS אפערירן סיסטעם.

היסטאריע[רעדאַקטירן | רעדאקטירן קוואַלטעקסט]

עפל האט ארויסגעגעבן בסך-הכל עלף מאדעלן פונעם אייפאן, יעדער איינציגסטע צוזאמען מיט א נייע אפערירן-סיסטעם. די ערשטע גענעראציע אייפאן איז געווען א GSM טעלעפאן און האט אראפגעשטעלט דעזיין פרעצעדענט, צום ביישפיל דאס קנעפל אין פארנט וואס איז געבליבן ביז דעם אייפאן צען (iPhone X). דער אייפאן 3G האט צוגעלייגט 3G אנדראטיקע נעטווארק, וואס איז געווארן נאכגעפאלגט דורך דעם 3GS מיט בעסערע הארטווארג. דע 4 מיט אן אייזענעם האלטער, און דער 4S מיט בעסערע הארטווארג און די ווירטועלע-העלפער ״סירי״.

דער 5 איז געווארן גרעסער, מיט א 4-אינטש פענסטערל און עפל'ס אייגענע נייע אנלאדער, דער בליץ-קאבל. אין תשע"ג איז ארויסגעקומען די 5S מיט בעסערע הארטווארג און א פינגערפרינט אויפכאפער, צוזאמען מיט דעם עקאנאמיש-פריינטליכן 5C, וואס איז ס"ה א קאלירטע פלאסטישע ווערזיע פונעם אייפאן 5. דערנאך איז ארויסגעקומען דער 6, מיט א גרעסערן 4.7 אינטש עקראן, צוזאמען מיט דעם נאך-גרעסערן 6+ מיט 5.5 אינטשיגע סקרין. דער 6S איז געקומען דאס קומענדיגע יאר מיט דריק-סענסיטיווע עקראנען, ווי אויך דער ביליגער SE וואס האט געהאט דאס זעלבער הארטווארג ווי דער 6S אבער אזוי קליין ווי דער 5C.

אין תשע"ו האט עפל ארויסגעלייגט די 7 און 7+ וואס האבן באקומען וואסער-באשיצונג, נייע קאליר אפציעס, און אראפגענומען די 3.5 מילימעטער עירפאן ווייער-לאך. די 8 און 8+ זענען ארויס געקומען אום 2017 מיט אביסל א בעסערע קאמערע און א גלעזערנעם פארנט. צוזאמען מיט דעם איז ארויסגעקומען דעם מאדעל 10 (געשריבן X, ווי רוימישע נומעראלן), מיט א בעזעל-פרייע סקרין, און א נייע פנים-אויפכאפער, מיטן נאמען "פעיס-איי-די" (FaceID), אבער אן קיין היים-קנעפל, און דערפאר - קיין טאטש-איי-די.