קלינגאניש

פֿון װיקיפּעדיע
קלינגאָנישער אלפאבעט

קלינגאָניש (tlhIngan Hol טלהינגאַן כאָל) איז אַ געבויעטע שפּראַך װאָס איז געשאַפֿן געװאָרן פֿאַר די פֿיקטיווע קלינגאָנער אין דער "שטערן רײַזע" אוניווערס.

גראַמאַטיק[רעדאַקטירן | רעדאַקטירן קוואַלטעקסט]

קלינגאניש איז אַ שפראַך וואָס נוצט אַפֿיקסן (פּרעפֿיקסן און סופֿיקסן) על מנת צו טוישן די באַדײַטונג אָדער נוץ פֿון אַ װאָרט. בנוגע די מערצאָל-פֿאָרמע‏ פֿון ווערטער, זענען פֿאַראַן פֿיר אופֿנים צו מאַכן אַ וואָרט אין לשון־רבים, תּלױ אינעם טיפּ סובסטאַנטיװ. אינעם ערשטן פֿאַל, איז דאָ אַ פֿאַר סובסטאַנטיוון וואָס האָבן זייערע אייגינע מערצאָל-פֿאָרמעס, ווי צ.ב. 'jengva ״טעלער״ לשון-רבים ngop ״טעלערס״, אָבער מערסטע קלינגאָנישע סובסטאַנטיוון נוצן אַ סופֿיקס צו אויסדריקן דעם לשון-רבים. אין די דרײַ איבערגעבליבענע סיפּן, איז די מערצאָל-פאָרמע אַנדערש אויב דער סובסטאַנטיוו איז אָדער אַן אבֿר פֿונעם קערפּער, אָדער אַ בריה וואָס האָט די מעגליכקייט צו רעדן שפּראַכן, אָדער אלערליי אַנדערע ווערטער. פֿאַר אבֿרים, איז דער מערצאָל-סופֿיקס 'Du-, ווי אין 'mInDu ״אויגן״. פֿאַר שפּראַך־רעדנדיגע בריות, איז דער סופיקס 'pu-, ווי 'tlhInganpu, װאָס הייסט ״קלינגאָנער״. פֿאַר אַלע אַנדערע סובסטאַנטיוון, איז דער סופיקס mey-, ווי Hovmey ״שטערן״ אָדער mojaqmey ״סופיקסן״.