סערווער
א סערווער (ענגליש: Server) איז א מעכטיגע קאמפיוטער סיסטעם אדער א סאפטווער פראגראם וואס איז דיזיינט ספעציעל צו פראצעסירן בקשות און צושטעלן דאטא, רעסורסן, אדער סערוויסעס פאר אנדערע קאמפיוטערס אדער דיווייסעס אויף א נעטווארק. די אנדערע קאמפיוטערס וואס פארבינדן זיך צום סערווער און באקומען די אינפארמאציע ווערן גערופן "קליענטן" (Clients). דער סערווער דינט אלס דער צענטראלער קנופ-פונקט (Hub) וואס פירט אן און קאנטראלירט די גאנצע ארבעט פונעם נעטווארק.[1]
אלגעמיינע באשרייבונג
[רעדאַקטירן | רעדאַקטירן קוואַלטעקסט]דער יסוד פון א סערווער ארבעט קאנסעפטועל אונטער דעם אזוי-גערופענעם "קליענט-סערווער מאדעל". אין דעם דאזיגן סיסטעם זענען פארהאן צוויי הויפט טיילן:
- דער קליענט (Client): א באניצער'ס קאמפיוטער, סמארטפאון, אדער לאפטאפ וואס שיקט ארויס א בקשה פאר אינפארמאציע(Request) איבערן נעטווארק.
- דער סערווער (Server): דער צענטראלער קאמפיוטער וואס עמפפאנגט די בקשה, פראצעסירט זי אין א ברוכטייל פון א סעקונדע, און שיקט צוריק די געפאדערטע דאטא צום קליענט[2]
א סערווער קען זיין א פיזישע מאשין (Hardware) וואס פארמאגט פיל מער קראפט, סטארעדזש (memory) שנעלע זכרון(RAM), ווי א געוויינליכע פערזענליכע קאמפיוטער, אדער עס קען זיין א ווירטואלע פראגראם (Software) וואס לויפט אויף א קאמפיוטער און שטעלט צו ספעציפישע סערוויסעס.
הויפט פונקציעס
[רעדאַקטירן | רעדאַקטירן קוואַלטעקסט]סערווערס ווערן גענוצט פאר פארשידענע וויכטיגע אויפגאבן אין די וועלט פון אינטערנעט און קאמפיוטער נעטווארקס
- וועב האסטינג (Web Hosting): האלטן און סערווירן וועבזייטלעך פאר באנוצער איבער דער גאנצער וועלט.
- פייל שערינג (File Sharing): צענטראלע אפהיטונג פון פיילס און דאקומענטן, ערלויבנדיג פאר עטליכע באנוצער צו האבן צוטריט דערצו אין די זעלבע צייט.
- אפליקאציע האסטינג (Application Hosting): לויפן קאמפליצירטע פראגראמען און ווירטואלע קאמפיוטער סיסטעמען וואס פארלאנגען גרויסע פראצעסינג קראפט.