לב טהור

לב טהור איז א כת (סעקטע) פון חסידים געגרינדעט געווארן דורך א ישראלישער ספרדישער בעל תשובה שלמה העלבראנץ. ביז סוף פון 2013 האט די גרופע געוואוינט אין סט אגאטע, קאנאדע, און זיי האבן גערופן זייער געגנט "קרית רימאנאוו"". די איינוואוינער ציילן זיך קרוב צו פערציג משפחות, רוב פון זיי לעבן אן אפגעזונדערט לעבן און פארן נישט ארויס פון דארט אפילו אויף צרכי רפואה און ענליכס. אויך זענען זיי באקאנט מיט זייער לעבנס שטייגער, ווייל זיי זענען אלע אייניג זייער אלט מאדיש.

די כת ציילט היינט אן ערך 200 מענטשן. אין יאר 2017 איז די גאנצע קולטארישע באוועגונג אנטלאפן מיט זייער פירער קיין גוואטעמאלע וואו נאך שווערע וואנדערייען האבן זיי זיך באזעצט אין א אומבאוואוינטן געגנט ארום א שעה פון גוואטעמאלע סיטי.

נעמען צו זייערע קינדער

אין אוגוסט 2013 זיינען די יוגינט סערוויסעס (די וואס נעמען צו קינדער פון סכנותדיקע הייזער) האבן אנגעהויבן באזוכן די הייזער פון די משפחות פון דעם חסידות. דאס האט זיך אנגעהויבן וועגן א קאנפליקט איבערן רעליגעזע עדיוקאציע פון די קהילה. די יוגינט סערוויסעס טענה'ן אז זיי האבן געפונען עטליכע הייזער שמוציק און אזוי ענדלעך די קהילה פון לב טהור האד דאס געלייקנט. די יוגינט סערוויסעס האבן מחליט געווען אז זיי ווילן רופן די משפחות פון די קהילה אין געריכט, אז די געריכט זאל זיי הייסן צו הארכענען די געזעצן פון די סעקולארע עדיוקאציע. אלץ א רעזולטאט, האבן די אלע פאמיליעס פון די קהילה זיך אריבער געצויגן איבער נאכט צו אן אנדערן פראווינץ. די פראווינץ קוויבעק האבן געוואלט אוועקנעמען 14 קינדער פון זייערע עלטערן און זיי באלייגן אין אנדערע הייזער דאס האט אבער ארויס געווארפן געווארן דורך די געריכט אינעם פראווינץ פון אנטעריא.

טייל פון זייערע פירונגען

זיי דאווענען באריכות (אן ערך 2 שעות פאר שחרית), און האבען שטריינגע הידורים אין כשרות און אין צניעות.

זיי ווערן שטארק געפאניגט פיזיש און גייסטיש דורך זייערע פירער [הנהלה] מיט די אויסרייד אז דאס איז תיקונים.

זיי גלייבן אז אלע אידן פון די וועלט זענען פון די ערב רב, און משיח וועט נאר קומען צו זיי.

די פרויען פון קינדווייז אן גייען אנגעטון שווארץ פון קאפ ביז פיס.