ישכר בער באראן

פֿון װיקיפּעדיע
קפיצה לניווט קפיצה לחיפוש

רבי ישכר בער באַראָן זצ"ל (ה'תקכ"ה - י"ח סיון ה'תר"ג) איז געווען דער ערשטער ראדאשיצער רבי. באקאנט אלס דער סבא קדישא.

אפשטאם[רעדאַקטירן | רעדאקטירן קוואַלטעקסט]

רבי ישכר בער איז געבוירן אין יאר ה'תקכ"ה צו זיין פאטער הרב יצחק, (א משמש ביים מעזריטער מגיד), א זון פון הרב ישכר בער. און צו זיין מוטער מרת מרים א שוועסטער פונעם ראדאשיצער דיין, הר"ר זונדל.

זיינע רביס[רעדאַקטירן | רעדאקטירן קוואַלטעקסט]

רבי ישכר בער איז געווען א תלמיד פון דעם חוזה פון לובלין, דער ייד הקדוש פון פרשיסחא, דער קאזשניצער מגיד און דער אפטער רב נאך זיין חתונה האט רבי ישכר בער געוואוינט אין חמעלניק וואו ער איז געווארן נאנט צו הר"ר אליעזר ליפא (זון פונעם רבי'ן ר' מיילעך).

הסתלקות[רעדאַקטירן | רעדאקטירן קוואַלטעקסט]

רבי ישכר בער איז נפטר געווארן י"ח סיון ה'תר"ג.

פאמיליע[רעדאַקטירן | רעדאקטירן קוואַלטעקסט]

רבי ישכר בער האט געהייראט מרת ביילא א טאכטער פון הרב מרדכי פון חענטשין. זייערע קינדער:

  • הרב ישראל יצחק באראן
  • הרב מאיר באראן
  • מרת רבקה פערל די ווייב פון הרב יצחק פינקלער
  • מרת מרים
  • די ווייב פון חיים יוסף

תלמידים[רעדאַקטירן | רעדאקטירן קוואַלטעקסט]


חסידות[רעדאַקטירן | רעדאקטירן קוואַלטעקסט]

ער האט פארשריבן אלע תורות וואס ער האט געהערט פונעם אפטער רב אין דעם ספר „תורת אמת". צווישן זיינע חסידים איז געווען הר"ר חיים דוד בערנהארד, דער "רבי דאקטאר".

פון זיינע תורות[רעדאַקטירן | רעדאקטירן קוואַלטעקסט]

אויפן פסוק למען ייטב לי בעבורך וחיתה נפשי בגללך (בראשית יב, יג) זאגט רש"י: יתנו לי מתנות זיי וועלן געבן מיר מתנות. איז דאך שווער, צי איז דאס געווען אברהם אבינו'ס ציל אין לעבן צו דערגרייכן מתנות? ס'שטייט דאך ושונא מתנות יחיה (משלי טו, כז)! ענטפערט ר' ישכר בער פון ראדאשיץ, אז דאס איז גאר געווען זיין כוונה. אז די מצרים וועלן געבן מיר מתנות, און איך וועל אפזאגן, דעמאלטס ושונא מתנות יחיה וועל איך לאנג לעבן ווייל איך האב אפגעזאגט די מתנות, וועט טאקע זיין למען ייטב לי בעבורך.