יעקב צבי ראבינאוויטש

פֿון װיקיפּעדיע

רבי יעקב צבי ראבינאוויטש איז געווען דער צווייטער פאריסאווער רבי. ער איז געווען א תלמיד מובהק פון רבי ישכר בער באראן פון ראדאשיץ, רבי אלעזר האפשטיין פון קאזשניץ, רבי נחמיה פון בעכעווע (זיין פעטער) און רבי נתן דוד פון שידלאווצע. ווען ער האט אנגעהויבן פירן האט ער געהאט א קליינעם עולם פון חסידים, אבער דאס לעצטע יאר פון זיין לעבן האבן טויזנטער חסידים געקומען צו אים אויף ראש השנה.[1]

ביאגראפיע[רעדאַקטירן | רעדאַקטירן קוואַלטעקסט]

רבי יעקב צבי איז געבוירן צו זיין פאטער רבי יהושע אשר ראבינאוויטש, זון פונעם ייד הקדוש און זיין מוטער לאה (לאציא) האלבערשטאט.

ער האט חתונה געהאט מיט שרה יוטא, א טאכטער פון ר' שלמה היילפרין פון פינטשאוו, אן אייניקל פונעם "חכם צבי".[1] ווען ער געוואוינט אין פינטשאוו פלעג ער פארן כסדר קיין ראדאשיץ צו רבי ישכר בער, וועמען ער האט גערופן דעם "סבא קדישא.[2]

זיינע תורות זענען געדרוקט אינעם ספר "עטרה לראש צדיק".

פאמיליע[רעדאַקטירן | רעדאַקטירן קוואַלטעקסט]

רבי יעקב צבי און די רביצין שרה יוטא האבן געהאט די פאלגנדע קינדער:

רעפערענצן[רעדאַקטירן | רעדאַקטירן קוואַלטעקסט]

  1. a b שלמה אשכנזי, דורות בישראל
  2. אריה מרדכי ראבינאוויטש, זכותא דאברהם