יעקב יצחק רודערמאן
| ||
| געבורט |
1900 ט"ו אדר ב' ה'תר"ס רוסישע סאוועטן פעדעראטיווע סאציאליסטישע רעפובליק, סאוועטן פארבאנד  | |
|---|---|---|
| טויט |
11 יולי 1987 (אלט 87 בערך) י"ד תמוז ה'תשמ"ז באלטימאר, מערילענד, פאראייניקטע שטאטן פון אמעריקע | |
  | ||
הרב יעקב יצחק הלוי רודערמאן (Yaakov Yitzchok Ruderman; ט"ו אדר ב' ה'תר"ס, 1900 – י"ד תמוז ה'תשמ"ז, 1987) איז געווען דער גרינדער און ראש ישיבה פון ישיבת נר ישראל אין באלטימאר, מערילענד, פאראייניגטע שטאטן, און א מיטגליד פון דער מועצת גדולי התורה פון אגודת ישראל אין אמעריקע.
לעבנסגעשיכטע
[רעדאַקטירן | רעדאַקטירן קוואַלטעקסט]הרב רודערמאן איז געבוירן געווארן אין דאלינאוו, ווייסרוסלאנד, דעמאלסט אינעם תחום המושב אין דער רוסלענדישער אימפעריע (היינט אין בעלארוס). ער האט געלערנט אין דער סלאבאדקער ישיבה, וואו זיין פאטער, רבי יהודה לייב רודערמאן איז געווען שטאטס רב. ער האט געלערנט ביים אלטער פון סלאבאדקע און ביים ראש ישיבה, הרב משה מרדכי עפשטיין.
אין תר"ץ האט הרב רודערמאן משתתף געווען אינעם אויפשטעלן פון דער ישיבה אין ניו הייוון, קאנעטיקוט, צוזאמען מיט זיין שווערו, הרב שעפטל קרעמער (אן איידעם פון רבי שרגא פייוול פראנק). אין תרצ"ג איז ער אריבער קיין באלטימאר, וואו ער האט אנגעהויבן אויפשטעלן ישיבת נר ישראל צוזאמען מיט זיין שוואגער הרב נפתלי ניובערגער, אן אגודת ישראל עסקן אין די פאראייניגטע שטאטן. א סך פון זיינע תלמידים האלטן רבנות שטעלעס אין אמעריקע און אנדערע לענדער.
זיינע תלמידים
[רעדאַקטירן | רעדאַקטירן קוואַלטעקסט]צווישן זיינע תלמידים זענען:
- הרב נח וויינבערג - גרינדער און אנפירער פון ״אש התורה״
- הרב נפתלי קאפלאן - משגיח אין די ישיבות בית מתתיהו און אור שמח, און גרינדער פון דער ישיבה נתיב הדעת
- הרב אהרן פעלדמאן - ראש ישיבה פון "נר ישראל" אין באלטימאר, און א מיטגליד אין דער מועצת גדולי התורה אין אמעריקע
זיינע ספרים
[רעדאַקטירן | רעדאַקטירן קוואַלטעקסט]- עבודת לוי
- שיחות לוי - אויף פרשת השבוע.
- משאת לוי - אויפן מנחת חינוך. די לעצטע צוויי האבן זיינע תלמידים צוזאמענגעשטעלט נאך זיין פטירה.
 | דער ביאגראפישער ארטיקל וועגן א רב איז א שטומף. דאס הייסט עס פעלן אין אים גרונטלעכע אינפארמאציע איבערן פארשטאנד פון דער טעמע. ביטע העלפֿט דאס פֿארברייטערן. |