יעקב הורוויץ

פֿון װיקיפּעדיע

רבי יעקב הורוויץ זצ"ל (ה'תר"ן - מוצאי יום כפור ה'תש"ג), ראש בית דין אין לינסק.

אפשטאם[רעדאַקטירן | רעדאַקטירן קוואַלטעקסט]

רבי יעקב איז געבוירן אין יאר ה'תר"ן (אומגעפער), צו זיין פאטער הרב מאיר הורוויץ רב אין לינסק, א זון פון הרב אברהם חיים הורוויץ (דער צווייטער), רב אין לינסק, א זון פון הרב מנחם מענדל הורוויץ, רב אין לינסק, א זון פון הרב אברהם חיים הורוויץ, רב אין לינסק, א זון פון הרב נפתלי צבי הורוויץ, דער ראפשיצער רב. און צו זיין מוטער מרת הינדא רחמה א טאכטער פון הרב נפתלי צבי פרנס, פון צאנז, אן אייניקל פון מגלה עמוקות.

רבנות[רעדאַקטירן | רעדאַקטירן קוואַלטעקסט]

רבי יעקב האט נאך אריינגעכאפט צו קענען די צדיקים פון פריערדיגען דור, אויף די עלטער האט ער זיך בארימט "כ'האב נאך זוכה געווען צו זעהן דעם גארליצער רב זאגן לא-ל אשר שבת, און צוויי שנירליך טרערן האבן זיך גיגאסען פון די אויגן".

נאך זיין חתונה האט רבי יעקב געגעסן קעסט ביי זיין שוויגער (זיין שווער האט שוין נישט געלעבט) אין א יאוואראוו, פון דארט האט ער זיך אנגעהויבן צו דרייען ביים בעלזער רב רבי ישכר דוב רוקח.


הסתלקות[רעדאַקטירן | רעדאַקטירן קוואַלטעקסט]

רבי יעקב איז דערשאסן געווארן אין זעסלאוו מוצאי יום כפור ה'תש"ג, הי"ד.

פאמיליע[רעדאַקטירן | רעדאַקטירן קוואַלטעקסט]

רבי יעקב האט געהייראט מרת אידל א טאכטער פון הרב אלימלך רובין, באקאנט אלס רבי מיילך יאווארעווער. זייערע קינדער:

  • הרב אלימלך הורוויץ (א' ר"ח אלול ה'תרע"א - י"א מנחם אב ה'תש"ן), יארטשאווער רבי אין אמעריקא.
  • הבחור אברהם חיים הורוויץ הי"ד.
  • מרת פעריל מלכה הי"ד, די ווייב פון הרב חנוך הענך דוב טויב.
  • הבתולה מרים יוכבד הי"ד.
  • הבתולה רבקה הי"ד.
  • הבתולה פריידא הי"ד.

רעפערענצן[רעדאַקטירן | רעדאַקטירן קוואַלטעקסט]

  • זרעא קדישא
  • אנציקלופדיה לחכמי גליציה, מאיר וונדר