יעווגעני סאטאנאווסקי

פֿון װיקיפּעדיע
קפיצה לניווט קפיצה לחיפוש
Yevgeny Satanovsky in Moscow Feb2015.jpg

יעווגעני סאַטאַנאָווסקי (רוסיש: Евгений Янович Сатановский;‏ געב' דעם 15טן יוני 1959) איז איינער פון די פירנדיקע ייִדישע קהלשע טוער אין רוסלאַנד און דער פּרעזינדענט פונעם אינסטיטוט פאַרן מיטעלן מזרח אין מאָסקווע.

ביִאָגראַפיע[רעדאַקטירן | רעדאקטירן קוואַלטעקסט]

יעווגעני סאַטאַנאָווסקי איז געבוירן געוואָרן אין מאָסקווע דעם 15טן יוני 1959. פאַרענדיקט דעם מאָסקווער אינסטיטוט פון שטאָל און צונויפשמעלצונגען אין 1980.ער האָט געאַרבעט לויטן פאַך און איז געווען אַן אַקטיוויסט פון דער ייִדישער אומלעגאַלער באַוועגונג אינעם ראַטנפאַרבאַנד. אין סוף 1980ער יאָרן האָט יעווגעני סאַטאַנאָווסקי זיך פאַרנומען מיט ביזנעס און איז געוואָרן דער פּרעזינדענט פון דער קאָמפּאַמיעס-גרופּע "אריאל". אין 1993 האָט ער געגרינדעט דעם אינסטיטוט פאַרן פאָרשן ישראל (איצט – אינסטיטוט פארן מיטעלן מזרח) און איז געוואָרן זײַן פּרעזינדענט. אין 1999 האָט ער פאַרטיידיקט זײַן דאָקטאָר-דיסערטאַציע אויף דער טעמע "די ספּעציפיק פון דער עקאָנאָמישער אַנטוויקלונג פון דער ישראלדיקער געזעלשאַפט אין די 1990ער יאָרן".

יעווגעני סאַטאַנאָווסקי איז געווען דער דריטער פּרעזינדענט פונעם רוסלענדישן ייִדישן קאָנגרעס אין די יאָרן 2001 – 2004 (נאָך וולאָדימיר גוסינסקי און לעאָניד נעווזלין). ער איז אַן אונטעריכטער פון געאָפּאָליטיק און עקאָנאָמיק פונעם מיטעלן מזרח אויף דער יודאַיִק-קאַטעדרע אינעם אינסטיטוט פון אַזיע און אַפריק בײַם מאָסקווער מלוכה-אוניווערסיטעט אויף לאָמאָנאָסאָווס נאָמען און איז אַ מיטגליד אין רעדאַקציע-ראַטן פון די זשורנאַלן "דיִאַספּאָרי", "וועסטניק יעוורייסקאָגאָ אוניווערסיטעטאַ" און "וואָסטאָטשנאַיאַ קאָלעקציִאַ".

יעווגעני סאַטאַנאָווסקי וווינט אין מאָסקווע. ער איז באַווײַבט און האָט צוויי קינדער.

ביכער[רעדאַקטירן | רעדאקטירן קוואַלטעקסט]

  • Экономика Израиля в 90-е годы (די עקאַנאַמיק פון ישראל אין די 90ער יאָרן) , Москва, 1999.
  • Израиль в современной мировой политике: вероятные стратегические противники и стратегические партнеры (ישראל אין דער הײַנטצײַטיקער וועלט-פּאָליטיק: מעגלעגע סטראַטעגישע קעגנער און סטראַטעגישע פּאַרטניאָרן) , Москва, 2001.
  • Россия и Ближний Восток. Котел с неприятностями (רוסלאַנד און דער מיטעלער מזרח. אַ קעסל מיט צרות) , Москва, 2012.
  • Если б я был русский царь. Советы Президенту (ווען איך וואָלט געווען דער רוסישער קיסר. עצות דעם פּרעזידענט) , Москва, 2012.
  • Моя жизнь среди евреев. Записки бывшего подпольщика (מײַן לעבן צווישן די יידן. נאָטיצן פון אָ געוועזענעם אונטערערדלער) Москва, 2013.
  • Шла бы ты... Заметки о национальной идее (זאָלסטו גיין... נאָטיצן וועגן נאַציאָנאַלער אידיי), Москва, 2014.

וועבלינקען[רעדאַקטירן | רעדאקטירן קוואַלטעקסט]