זלמן רײזען

פֿון װיקיפּעדיע
קפיצה לניווט קפיצה לחיפוש

זלמן רײזען (1887 ־ 1941) איז געװען אַ באַװוּסטער יידיש פֿילאָלאָג און זשורנאַליסט. ער איז געבוירן געװאָרן אין שטאָט קאָידענאָװ, הײַנטצוטאָג אין בעלאַרוס. זײַן ברודער אַברהם רײזען און זײַנ שװעסטער זארה רײזען, זײַנען אויך געװאָרן באַװוּסטע מחברים. זלמן רײזען האָט זיך איבערגעצויגן אין װילנע אין יאָר 1915. דאָ אין װילנע האָט ער געגרינדעט, צוזאַמען מיט אַנדערע יידישע אינטעלעקטואַלען, צום בײַשפּיל מאַקס װײַנרײַך, דעם ייִװאָ ־ יידיש װיסענשאַפֿטלעכן אינסטיטוט. רײזען איז אויך געװען דער רעדאַקטאָר פֿאַר ״דער װילנער טאָג״. פֿון זײַנע ליטעראַרישע װערק, איז דער באַװוּסטסטע ״לעקסיקאָן פֿון דער יידישער ליטעראַטור און פּרעסע״. אין דער צװײטער װעלט־מלחמה, אז די רויטע אַרמײ איז געקומען קײן װילנע (1939), איז רײזען אַװעקגעכאַפּט געװאָרן און דערהרגעט ערגעץ װוּ אין דעם ראַטנפֿאַרבאַנד מסתּמא אין ריגאַ.