זיסע קארטאפל

פֿון װיקיפּעדיע
שפּרינג צו: נאַוויגאַציע, זוך
זיסע קארטאפל
בליענדיקע זיסע קארטאפל אין האנג קאנג
בליענדיקע זיסע קארטאפל אין האנג קאנג
זיסע קארטאפל ווארצלען
זיסע קארטאפל ווארצלען
וויסנשאַפֿטלעכע קלאַסיפֿיקאַציע
קעניגרייך: פלאנצן
(unranked): בליענדיקע פלאנצן
(unranked): Eudicots
(unranked): Asterids
סדר: Solanales
פֿאַמיליע: Convolvulaceae
מין: Ipomoea
זגאַל: I. batatas
בינאמינאלישער נאמען
Ipomoea batatas
(L.) Lam.
זיסע קארטאפל

זיסע קארטאפל אדער זיס־קאַרטאפֿל, אויך גערופן באַטאַטע, (ענגליש: sweet potato, העברעאיש: בטטה) איז א ווארצל געוואוקס וועלכע איז היינט איינע פון די הויפט שפייזן איבער די וועלט פאר מענטשן און בהמות. די זיס־קארטאפל האט אן אראנזשן קאליר אין דרינען.

כאטש עס ווערט גערופן קארטאפל, און זעט אויס אביסל ווי א קארטאפל, איז ער אבער באטאניש נישט פון דעם זעלבן מין.

היסטאריע[רעדאַקטירן | רעדאקטירן קוואַלטעקסט]

דער מקור פון דער זיס־קארטאפל איז פון צענטראל אמעריקע.

מקורות אין פערו ווייזן אז מען האט זיך שוין באנוצט דערמיט מיט איבער אכט טויזנט יאר פאר דער ציווילער ציילונג.

אין יאפאן ווערט עס שוין געגעסן אויף א ברייטן פארנעם זינט 1735 און אין קארעע זינט 1764.

פראדוקציע[רעדאַקטירן | רעדאקטירן קוואַלטעקסט]

אין כינע וואקסט זי די מערסטע איבער דער וועלט, מיט אריבער אכציג מיליאן טאן א יאר.

אין די פאראייניגטע שטאטן איז צפון קאראליינע די הויפט שטאט זי צו קולטיווירן. דערנאך קומט לואיזיאנא, מיסיסיפי און קענטאקי וועלכע שטעלן אינאיינעם צו ארום פערציג פראצענט פונעם פארנוץ אין לאנד.


באניאטא[רעדאַקטירן | רעדאקטירן קוואַלטעקסט]

אין די קאראאיבישע אינזלען עסט מען דעם באניאַטא, א זיס־קארטאפל וואס האט א קרעם קאליר. דער באניאטא האט א טעם צווישן א געהעריגער קארטאפל און א זיסער קארטאפל.

אזוי ווי אן עכטער קארטאפל האלט ער נישט לאנג, און זיין אייגנשאפט איז צו ווערן שנעל קאליע נאכן שיילן. דערפאר איז כדאי גלייך נאכן אפשיילן צו לייגן אין וואסער אדער קאכן אדער פרעגלען.

ער איז זייער גוט צו מאכן דערפון צעקוועטשטע קארטאפל אדער געפּרעגלט.


וועבלינקען[רעדאַקטירן | רעדאקטירן קוואַלטעקסט]