זאב וואלפסאן

זאב וואלפסאן

געבורט	27 סעפטעמבער 1928 ה'תרפ"ח
טויט	13 אויגוסט 2012 (אלט 83) כ"ה אב ה'תשע"ב
מדינה	פאראייניקטע שטאטן פון אמעריקע
פאך	סוחר

זאב וואלף מרדכי וואלפסאן (ה'תרפ"ח - כ"ה אב ה'תשע"ב) איז געווען א יידישער פילאנטראפ און דער אנפירער פון דעם באקאנטן קרן וואלפסאן וואס בויט אידישקייט איבער דער גארער וועלט.

לעבנסגעשיכטע

זאב וואלפסאן איז געבוירן געווארן אין ווילנע צו ר' אברהם און רחל וואלפואווסקי. נאך דער בר מצוה, אין די אנהייב מלחמה יארן, האבן די סאוועטן פארטריבן די משפחה אין סיביר. ווען זיין פאטער איז נפטר געווארן א צוויי יאר שפעטער, האט זאב אים געטראגן צו א מקום קבורה אין דער פארפרוירענער ערד אין קאזאכסטאן. ביי די זיבעצן יאר האט ער אימיגרירט מיט זיין משפחה אין אמעריקע און זיך באזעצט אין ניו יארק.

ער האט געוואוינט אין לארענס, ניו יארק, און האט געהאט אסאך אומבאוועגלעכע גיטער אין מאנהעטן.

ער איז נפטר געווארן כ"ה אב תשע"ב, און מען האט אים באערדיגט אין וועלוואוד בית עולם, לאנג אינזל. ער האט איבערגעלאזט זיין דריטע ווייב, נחמה, און צען קינדער.

צדקה

ר' זאב איז געווען נאנט מיט רבי אהרן קאטלער, וואס האט אים געבעטן שטיצן חינוך עצמאי אין ישראל.

זיי שטיצן די מוסדות אוצר התורה וואס איז דער נעץ פון חינוך און קירוב שולעס פאר ספרדים אין מאראקא, דרום אמעריקע און פראנקרייך.

אויך שיקן זיי כוללים אין אלע שטעטלעך ארום ארץ ישראל וואס אינגעלייט לערנען תורה מיט די אינגווארג און אינפליטירן די פרייע חינוך סיסטעם דארטן. די אינגעלייט מוזן ביינאכט לערנען תורה מיט פרייע טראדיציאנעלע אידן, און זיי מוזן זיך געפינען מיט די משפחות צו וואוינען און פארשפרייטן אידישקייט דארטן, דאס איז נאכגעמאכט דעם חבד שליחים מאדעל. ער איז א ליטוואק און טענה'ט קעגן חב"ד אז זיי טוען גארנישט אידישליך נאר לערנען שיחות פון זייער רבין מיט די פרייע.

ער האט אליינס צו טון מיט יעדן קלענסטן פרט פון די אונטערנעמונגען, און יעדער אינגערמאן מוז אפגעבן א פונקטליכן דין וחשבון וויפיל בעלי תשובות ער האט געמאכט, דאס הייסט אויב דער אינגערמאן איז א בטלן און ער פראדוצירט נישט קיין נפשות באקומט ער נישט באצאלט. דער דאזיגער שטרענגקייט האט אים געמאכט א סאך שונאים פון די שנארערס אין ארץ ישראל, וואס זענען צוגעוואוינט צו כולל קוואקענען, אסאך רבנים האבן זיך שוין אויסגעדרוקט קעגן אים אז ער שאצט נישט אז מען לערנט תורה, ער צאלט נאר פאר קירוב, לויט זיי בויט זיך אידישקייט אז עס איז דא 10 בטלנים אין שטאט וואס לערנען תורה. און מען דארף אזוי אויך צאלן, אבער וואלפסאן איז א ביזנעס מאן אויב ער זעט נישט קיין רעזולטאטן פארמאכט ער דעם כולל, אזוי ארום עפענען זיך און מאכן זיך צו כסדר זיינע כוללים. מיט פרישע כוחות נאכאנאנד.

זיינע פראיעקטן קאסטן אים פערזענליך אפ הונדערטע מיליאנען א יאר. און ער שאפט אויך פון אנדערע געלט און אויך פון די רעגורונג פראגראמען.

איין תנאי פלעג ער מאכן אז מען בויט א געביידע מיט זיין געלט טאר מען נישט שרייבן זיין נאמען אויף דער געביידע.

זיין זון מאריס וואלפסאן

גלריה

• 
  זאב וולפסון מיט יצחק רבין פרעמיער מיניסטער ישראל

משפחה

ער האט איבערגעלאזט זיין דריטע ווייב, נחמה, און צען קינדער. זיינע קינדער זענען: אברהם וואלפסאן, רבקה וואלמארק, משה וואלפסאן, בעלא גאטעסמאן, עליזה סאפיר, אהרן וואלפסאן, דוד פאהרמאן, שרה פעלזן, דניאל וואלפסאן און אלישבע אראץ.

וועבלינקען

• א פראפיל אויף אים פון הארץ [1]