הלל זיידמאן
| ||
| געבורט |
25 נאוועמבער 1914 אוקראינע  | |
|---|---|---|
| טויט |
28 אויגוסט 1995 (אלט 80) ניו יארק, פאראייניקטע שטאטן פון אמעריקע | |
| מדינה |
פאראייניקטע שטאטן פון אמעריקע | |
| פאך |
שרייבער | |
  | ||
ד"ר הלל זיידמאן (ז' כסלו ה'תרע"ה, 25סטן נאוועמבער 1914 - ג' אלול ה'תשנ"ה, 29סטן אויגוסט 1995), איז געווען א חרדישער עסקן אין פוילן און ניו יארק, און א שרייבער.
ביאגראפיע
[רעדאַקטירן | רעדאַקטירן קוואַלטעקסט]הלל איז געבוירן געווארן אין בוטשאטש אין גאליציע (היינט פוילן). צווישן די צוויי וועלט מלחמות איז ער געווען סעקרעטאר פון אגודת ישראל אין פוילן און סעקרעטאר פון די אגודה מיטגלידער אין דעם פוילישן סיים. ער איז געווען נאנט צו די פירער פון פוילישן און ליטווישן יידנטום: הרב ישראל מאיר הכהן, דער "חפץ חיים", רבי אברהם מרדכי אלטער, דער גערער רבי, און רבי חיים עוזר גראדזענסקי, רב של ווילנע. ער האט זיך אסאך באשעפטיקט מיט אויפקלערן קעגן דער אנטיסעמיטיזם, און ער האט אסאך געשריבן, אויך אין פויליש.
ווען די צווייטע וועלט מלחמה האט אויסגעבראכן איז ער געווען פון די פירער פון דער יידישער געמיינדע אין ווארשע.
נאך דער מלחמה האט ער געארבעט צו העלפן די יידן אין די לאגערן. נאכהער האט ער אימיגרירט אין די פאראייניגטע שטאטן, וואו ער האט רעדאגירט דעם זשורנאל "די אידישע וואך" אין ניו יארק.
ער איז געווען אן איידעם ביי הרב צבי יעקב אבראהאם, פון די הויפטן פון דער יידישער קהילה אין זיבנבערגן.
הלל זיידמאן איז נפטר געווארן אין ניו יארק.