דער קליינער פרינץ

פֿון װיקיפּעדיע
קפיצה לניווט קפיצה לחיפוש
Antoine de Saint-Exupéry - Le Petit Prince - 12.jpg

דער קליינער פּרינץ (פראנצויזיש: Le Petit Prince; ערשטנס פֿאַרעפֿנטלעכט אין 1943) איז דאָס סאַמע באַרימטע בוך פֿונעם פֿראנצויזישן פּילאָט און שרײַבער אנטואן דע סענט-עקזופערי.

כאָטש עס איז געשריבן און אילוסטרירט ווי אַ קינדער–בוך, פֿאַרמאָגט "דער קליינער פּרינץ" אַ סאַך ערנסטע געדאַנקען וועגן לעבן און ליבע, וואָס מאַכן עס ניט אַזוי קלאָר צי ס'איז טאַקע א קינדער–בוך. די ווידמונג "פֿאַר לעאָן ווערט, ווען ער איז געווען אַ יונג קינד" ווינקט, אַז דאָס בוך איז אַ מין נאָסטאַלגישער דענקמאָל פֿון די דערוואַקסענע לייענער, און נישט דווקא פאר קינדער.

די געשיכטע איז וועגן אַן אויסגעטראַכטער פּאַסירונג, אין וועלכער דער דערציילער (סענט-עקזופּערי) געפינט זיך אַרײַנגעזעצט אינעם מדבר סאהארא נאָך אַ פּראָבלעם מיט זײַן עראָפּלאַן, וווּ ער געפֿינט אַ מאָדנע קינד - דעם קליינעם פּרינץ, דעם הויפּט כאַראַקטער. אין זייערע שמועסן אַנטדעקט דער שרײַבער זײַן אָנשױונג װעגן דער אומלאָגיקייט, וואָס מענטשן אָפֿט דעמאָנסטרירן, און די פּשוטע אַקסיאָמען, וואָס דערוואַקסענער אָפֿט פֿאַרגעסן. סענט-עקזופּערי איז טאַקע געווען אַ פּילאָט און האָט געלאַנדעט אַן עמערגענץ לאנדונג אינעם סאַהאַראַ. שפּעטער איז ער אומגעקומען ווען זײַן עראָפּלאן האָט געקראַכט אין די צווייטע וועלט-מלחמה.

די מאָלערײַען אינעם בוך, וואָס אילוסטרירן דעם קליינעם פּרינץ און די הויפּט דערשײַנונגען, זענען געצייכנט געוואָרן דורך דעם שרײַבער אַליין און געבן דעם בוך א באזונדערן כאַראַקטער.

יידישע אויסגאבע[רעדאַקטירן | רעדאקטירן קוואַלטעקסט]

דאָס בוך איז איבערגעזעצט געוואָרן אויף יידיש פֿון שלמה לערמאַן, און איז ערשטנס פֿאַרעפֿנטלעכט געוואָרן אין 2000.[1]

וועבלינקען[רעדאַקטירן | רעדאקטירן קוואַלטעקסט]

Commons-logo.svg
וויקימעדיע קאמאנס האט מעדיע שייך צו: דער קליינער פרינץ

רעפערענצן[רעדאַקטירן | רעדאקטירן קוואַלטעקסט]