דוד היילפרין

רבי דוד היילפרין זצ"ל (ה'תקפ"א - י"ח שבט ה'תרנ"ד) פון בארדיטשוב, אן איידעם פון דער הייליגער רוזשינער.

אפשטאם

רבי דוד איז געבוירן אין יאר ה'תקפ"א צו זיין פאטער הרב יעקב יוסף היילפרין, פון בארדיטשוב, א זון פון הרב ישראל היילפרין, פון בארדיטשוב, א זון פון הרב יוסף היילפרין, באקאנט אלס רבי יוסילי חריף, אן אור-אייניקל פון הרב יחיאל היילפרין, פון מינסק, דער פארפאסער פון "סדר הדורות".

זיין פאטער רבי יעקב יוסף איז געווען אן אויסגערופענער עושר, ווען ער פלעגט גיין ערב שבת אין מקוה, איז געשטאנען אויף ביידע זייטן פון וועג יידן וואס האבן גענומען צדקה, און ער האט יעדעם איינעם געגעבן א קליין זעקעלע מיט ריין זילבערנע מטבעות.

זיין געשיכטע

נאך זיין חתונה האט רבי דוד געוואוינט אין סאדיגורא ביי זיין שווער, ארום אים האבן זיך צוזאמען גענומען דערהויבענע יונגעלייט, וואס רבי דוד איז געווען זייער וועגווייזער אין תורה און חסידות.

הסתלקות

אין יאר ה'תרמ"ז האט רבי דוד געשריבן זיין צוואה, און ער איז נפטר געווארן י"ח שבט ה'תרנ"ד, און ליגט אין סאדיגורא.

זיין רביצין מרת לאה איז נפטר געווארן י"ד שבט ה'תרמ"ב, און ליגט אין בארדיטשוב

פאמיליע

רבי דוד האט געהייראט מרת לאה א טאכטער פון הרב ישראל פרידמאן דער הייליגער רוזשינער. זייערע קינדער:

• הרב משה מנחם מענדל היילפרין, פון זשיטאמיר.

• הרב מרדכי היילפרין, פון קעשענעוו.

• הרב שלום היילפרין (ט"ו שבט ה'תרט"ז - כ"ד מנחם אב ה'תרצ"ט), פון וואסלוי.

• הרב דוב בער היילפרין, פון ראווני.

• מרת פייגא, די ווייב בזיווג שני פון הרב שלמה פרידמאן, פון סאדיגורא.

• מרת רבקה.

• מרת גיטל.

זעט אויך

• רוזשין (הויף)

רעפערענצן

• אנציקלופדיה לחכמי גליציה, מאיר וונדר
• נר ישראל ח"ו בערכו