דאקטאר הו

פֿון װיקיפּעדיע

דאָקטאָר הו (ענגליש: Doctor Who; ווארטליך אין יידיש: דאקטאר וועמען, באדייט אויף ענגליש: וועלעכר דאקטער?) איז א בריטישע וויסנשאפטליכע פאנטאזיע טעלעוויזיע סעריע, געשאפן און פראדוצירט דורך דעם בי בי סי קאנאל.

די סעריע איז די לענגסט-לויפיקע און ערפאלגרייכסטע פראגראם פון דער וויסנשאפטליכע פאנטאזיע זשאנער, לויט דער גינעס בוך פון וועלט-רעקארדן, און האט א גרויסע איינפלוס אויף דער בריטישער פאלקס-קולטור. די ערשטע פאלגע איז אויסגעשטראהלט געווען אום ז' כסלו ה'תשכ"ד. דעמאלסט לויפטע די סעריע ביז ח' כסלו ה'תש"נ, און איז געווען אפגעשאפט. אין ה'תשס"ה האט די בי בי סי זי נאכמאל אויפגעפירט. זייט תשכ"ד ביז כ' כסלו ה'תשע"ד זינד אינסגעזאמט 799 פאלגן אויסגעשטראלט געווען.

"דאקטאר הו" האט געווינען פינעף "בריטישע אקאדעמיע פאר פילם און טעלעוויזיע" פרייזן און נאך 131 פרייזן אינסגעזאמט. די סעריע האט באקומען הויכע איינשאלטקוואטעס (שאצונגען) זייט די אנהייב: אין תשכ"ד-תשכ"ה האט יעדע פאלגע צווישן ניין און פערצן מיליאן צושויער, און אין תשל"ט ארום זעכצן מיליאן. אלס די קווטען זינד געווארן נידעריקער - דריי צו פונף מיליאן צושויער - אין תש"ן האט דער בי בי סי באשלאסן די סעריע אפשטעלן. די נייע שטאפלען, אויסגעשטראלט זייט תשס"ה, האבן אויך הויכע קוואטעס, מיט ארום זיבן ביז אכט מיליאן צושויער פאר א פאלגע.

געשיכטע[רעדאַקטירן | רעדאַקטירן קוואַלטעקסט]

די געשיכטע האנדלט פון "דער דאקטאר" - אן אויסער-ערדישער בריה, וואס געהערט צו דעם ראסע פון די "צייט הערן". ער פארט דורך דעם קאסמאס און די צייט אין זיינער צייט-רייזנדע פארמיטל, די טארדיס (TARDIS, ענגלישע ראשי תיבות פון Time and Relative Dimension in Space, "צייט און רעלאטיווע אויסמעסטונג אין קאסמאס") מיט זיין באגלייטערין, א יונגע מענטשליכע פרוי פון דער ערד. פון איין שטאפל צום אנדערן, איז די באגלייטערין שטענדיק געוועקסעלט; ביז היינט ס'געווען 29. צוזאמען רייזן זי צו ווייטע פלאנעטן אדער צו דער צוקונפט און פארגאנגענהייט. זיי קעמפן קעגן אנדערע אויסער-ערדישע בריות וואס ווילן פארניכטן די מענטשהייט אדער זיי צו פארשקלאפן. דעם דאקטאר'ס גרעסטע פיינט זענען די דאלעקס, א ראסע וואס איז א ביסל ענליך צום טינטעלפיש אבער באניצט שטענדיק א ראבאטישע אנצוג. די דאלעקס האבן קיין געפילן אויסערהאלב שנאה, און פארזוכן די גאנצע אלוועלט צו עראבערן. אירע מערמקאל איז זייער עלעקטראנישע שטימע און די שריי "פארניכטן!" ס'דא אויך א סך אנדערע פיינט, צום ביישפיל די ראבאטישע סייבער-מענטשן. עס גיבט אויך א בייזער צייט האר, "דער מייסטער", וואס איז א גרויסער שונא פון דעם דאקטאר.

אקטיארן[רעדאַקטירן | רעדאַקטירן קוואַלטעקסט]

ביז היינט, האבן עלף שוישפילער דער דאקטאר געשפילט - וויליאם הארטנעל (תשכ"ד-ו'), פאטריק טראטון (תשכ"ו-ט'), דזשאן פערטווי (תש"ל-ד'), טאם בייקער (תשל"ד-מ"א), פיטער דאווידזאן (תשמ"א-ד'), קאלין בייקער (תשמ"ד-ו'), סילוועטסטר מאק'קאי (תשמ"ו-ט'), פאול מאק'גאן (תשנ"ט; אין א פילם, נישט אין טעלעוויזיע), קריסטאפער עקלסטאן (תשס"ה), דייוויד טענאנט (תשס"ה-תש"ע), מאט סמיט (תש"ע-תשע"ד) און פיטער קאפאלדי (תשע"ד-היינט).

וועבלינקען[רעדאַקטירן | רעדאַקטירן קוואַלטעקסט]