שטריימל (בלאג)
שטריימל איז א בלאגער אויף זיין בלאג א חסיד און א הערעטיק A Hasid and a Heretic
לויט ווי ער שרייבט, איז ער געבוירן אין אייראפע אין יאר 1974, און אויפגעוואקסן אין מיטל מזרח, און דארט געלעהרנט אין דער באקאנטער מירער ישיבה, און וואוינט היינט אין וויליאמסבורג מיט זיין ווייב און זעקס קינדער.
ווי דער נאמען זאגט איז ער אן אפיקורס אבער ער וואוינט נאכאלס צווישן די פרומע אידן, און דאס צווינגט אים זיך אויסצוגעבן אויפן אינטערנעט, צו פארגרינגערען זיין צוויי פאכיג לעבן ווי א טאטע מיט א שטוב פון פרומע קינדער, אבער ווי ער שרייבט שלאגט ער זיך מיט די טעגליכע נסיונות וואס ער דארף זיך באהאלטן.
זיין קראפט פון פאנטאזיע קען מען נישט פארמיידן ווען פון יעדן אנעקדאט שטראמט געפיל אז די ליינער קען זיך נישט העלפן נאר שפירן כאילו מיט אים פאסירט איצט די דורכלעבונג.
אויך האט ער שיין באשריבן זיין ערשטע אינטימע טרעפונג מיט א פרעמדער פרוי, אויף דעם האבן אים די ליינער קריטיקירט, אז ער איז נישט קיין אפיקורס נאר א פשוטער מנוול.
אויך האט ער באשריבן זיין ערשטן עסן פון טריפה און זיין עסן אום יום כיפור.
זייענדיג א אידישער בלאג, מעסט מען אים קעגן דעם טאטן פון די אלע בלאגס: קטלא קניא וואס איז בלי ספק מער ראפינירט און מער תלמיד חכם ווי שטריימל, אבער אנדערשט ווי קטלא קניא, איז ער גאר ווייט פון בייסיק און האסליך, ער שרייבט מיט שטארקע ליבע און עמאציע וואס באטרעפט טיף אין יעדן פון זיינע ליינער וואס האבן אויך די זעלבע ספיקות און נסיונות.
ער איז שוין געווען באשריבן אין ניו יארק טיימס און אין אנדערע פרעסטיזשפולע פרעסע ארטיקלען איבער ארויסגעפאלענע חסידים צום מאדערענעם לעבנסשטייגער וואס לעבן ווייטער צווישן די גאר פרומע באהאלטענערהייט.
װעבלינקען
[רעדאַקטירן | רעדאַקטירן קוואַלטעקסט]- שטריימל א חסיד אן הערעטיק (ארכיווירט 03.04.2006 ביי דער Wayback Machine)