אריה לייבוש האלבערשטאם (צאנז)
רבי אריה לייבוש האלבערשטאם זצ"ל (ה'תרי"ב - כ"א אדר א' ה'תרצ"ג), רב אין גריבאוו און צאנז.
אפשטאם[רעדאַקטירן | רעדאַקטירן קוואַלטעקסט]
רבי לייבוש איז געבוירן אין יאר ה'תרי"ב צו זיין פאטער הרב אהרן האלבערשטאם, דער קרייזער רב, א זון פון הרב חיים האלבערשטאם, דער דברי חיים, און צו זיין מוטער מרת חנה עלקא א טאכטער פון הנגיד הרב יעקב וויינבערגער פון דוקלא.
זיינע רבי'ס[רעדאַקטירן | רעדאַקטירן קוואַלטעקסט]
רבי לייבוש האט געלערנט ביים זיין זיידן דער דברי חיים, ער האט געזאגט אויף רבי לייביש אז ער האט א מח ווי דער ישועות יעקב.
רבנות[רעדאַקטירן | רעדאַקטירן קוואַלטעקסט]
אין יאר ה'תרמ"ו (אדער ה'תרמ"א) האט מען אויפגענומען רבי לייביש אלס רב אין גריבאוו. נאך זיין פאטער'ס פטירה אין יאר ה'תרס"ד, איז ער געווארן רב אין צאנז.
הסתלקות[רעדאַקטירן | רעדאַקטירן קוואַלטעקסט]
רבי לייבוש איז נפטר געווארן כ"א אדר א' ה'תרצ"ה, אין ליגט אין צאנז אין דעם צאנזער אוהל.
פאמיליע[רעדאַקטירן | רעדאַקטירן קוואַלטעקסט]
בזיווג ראשון האט רבי לייבוש געהייראט מרת מלכה א טאכטער פון הרב משה הורוויץ רב אין ראזוואדאוו. בזיווג שני האט רבי לייבוש געהייראט א טאכטער פון הרב יצחק קאנער. זיינע קינדער:
- הרב מרדכי זאב האלבערשטאם (אומגעקומען כ"ו סיון תש"ב), ממלא מקום פון פאטער, רב אין גריבאוו און צאנז
- הרב משה האלבערשטאם, ער האט געהייראט מרת נחמה א טאכטער פון הרב שמואל הורוויץ רב אין דעמביץ, זיי זענען אומגעקומען צוזאמען מיט זייערע פינף קינדער אויף קידוש השם, הי"ד.
- הרב אפרים האלבערשטאם ער האט געהייראט מרת חיה א טאכטער פון הרב משה האלבערשטאם רב אין בארדיאוו
- הרב צבי הירש האלבערשטאם ער האט געהייראט א טאכטער פון הרב דוד צבי זעהמאן רב אין דוקלא
- הרב פנחס שמעיה האלבערשטאם ער האט געהייראט מרת צפורה א טאכטער הרב נפתלי הורוויץ רב אין מעליץ
- די ווייב פון הרב אברהם חיים טייטלבוים פון קרעניץ
- די ווייב פון הרב אביגדור צבי האלבערשטאם (ה'תרמ"ד - ה'תש"ב), פון אלט צאנז און בארדיאוו
- מרת חיה (חייטשע), די ווייב פון הרב ישראל אונגאר, א זון פון הרב שלום דוד אונגאר רב אין זשאבנא
רעפערענצן[רעדאַקטירן | רעדאַקטירן קוואַלטעקסט]
- י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
- אנציקלופדיה לחכמי גליציה, מאיר וונדר