הארי פאטער

פֿון װיקיפּעדיע
שפּרינג צו: נאַוויגאַציע, זוכן
Harry Potter - GoF Promo.jpg

האַרי פּאָטער איז אַ פֿיקטיװער כאַראַקטער אין אַ סעריע ביכער געשריבן דורך י. ק. ראָלינג.

האַרי איז אַ יתום פֿון טאַטע און מאַמע, און װוינט מיט זײַן שלעכטן פֿעטער װערנאָן, װעלכער איז אַ מאגל. בײַ די עלף יאָר װערט ער געװאָר אַז ער האָט די טאַלאַנטן צו מאַכן כּישוף און זײַן לעבן טױשט זיך דראַסטיש, פֿון דעם מאַגעטאַמישן לעבן בײַ זײַן פֿעטער װוּ ער װערט טעגלעך גערודפֿט דורך זײַן שװעסטער קינד דאָדלי כאַפּט ער זיך אַריבער צו די דראַמאַטיש אָנגעפֿילטע טעג אין דער שולע פֿון כּישוף־מאַכערײַ װוּ ער לעבט אין פּחד פֿון װאָלדעמאָרט װעלעכער האָט געהרגעט זײַנע עלטערן און װיל אים אױך אָפּֿענדיקן, אין יעדן פון די זיבן ביכער ווערט באשריבען איין יאר פון זיין לעבן אין דער חזיר־װאָרצל שולע פֿון כּישוף־מאַכערײַ.

לויט ווי די לעגענדע לויטעט זענען הערי'ס עלטערן אומגעבראכט געווארן דורך דעם מערדער וואלדערמארט וועלכער האט גענוצט די שרעקעוודיגע אברא כדאברא וועלכעס איז א קבלה'ישער אויסראטונג קללה זיי אומצוברענגען, און אזוי ארום צו באהערשן אלעמען. הארי האט זיך אבער באוויזן ארויסצודרייען פון אט די קללה, און האט נאך אויסגעדרייט דעם וואפען קעגן וואלדערמארט, וועלכער איז זעלבסט אומגעברענגט געווארן דורך דעם.

דער זיבעטער און לעצטער באנד פון הארי פאטער איז ארויסגעקומען אין יאר 2007.

ליסטע פון די זיבן ביכער:

  1. האַרי פּאָטער און דער שטײן פֿונעם פֿילאָסאָף - יוני 1997.
  2. האַרי פּאָטער און דער צימער פֿון סודות - יולי 1998.
  3. האַרי פּאָטער און דער אַרעסטאַנט פֿון אַזקאַבאַן - יולי 1999.
  4. האַרי פּאָטער און דער בעכער פֿון פֿײַער - יולי 2000.
  5. האַרי פּאָטער און דער אָרדן פֿון פֿעניקס - יוני 2003.
  6. האַרי פּאָטער און דער האַלב-בלוט-פּרינץ - יולי 2005.
  7. האַרי פּאָטער און די רוחות פֿון טױט - יולי 2007.