עמפייער סטעיט בילדינג

די עמפייר סטייט בילדינג איז א 103שטאקיגע וואלקן קראצער אין מאנהאטן, ניו יארק, וועלכע איז היינט די העכסטע געביידע אין דער שטאט זינט די אטאקע און צוזאמענפאל פון דעם וועלט האנדל צענטער.

דער דאך פון דער געביידע איז הויך 381 מעטער און, צוזאמען מיט איר אנטענע, איז זי הויך 443.2 מעטער. זי איז די פינפט העכסטע געביידע אין די פאראייניגטע שטאטן (אין 2019).

מ'האט געענדיגט בויען די געביידע אין 1931, נאך 410 טעג בויען.

די עמפייר סטייט געביידע געפינט זיך אין מאנהעטן אויף דער מערב זייט פון ״פינפטע עוועניו״ צווישן די 33סטער און 34סטער גאסן.

ווען מען האט געבויט די געביידע איז זי געווען די העכסטע געביידע אין דער וועלט, און איז אזוי געבליבן ביז מען האט געבויט דעם וועלט האנדל צענטער אין 1972.