קולדור

131°37′55″N 14°49′12″E

קולדור (רוסיש – Кульдур) איז אַ יישוב אינעם אָבלוטשיער ראַיאָן פון דער ייִדישער אויטאָנאָמער געגנט פון רוסלאַנד.

קולדור געפינט זיך 70 קילאָמעטער פון דער שטאָט אָבלוטשיע, אינעם טאָל פונעם טײַך קולדור. דער נאָמען "קולדור" שטאַם פון פאַרקריפּלטע טונגוסישע ווערטער "טשול-דזשי-אורי" ("אַ הייסער") – צוליב אָרטיקע הייסע וואַסער-קוואַלן. דער ישוב איז געגרידעט געוואָרן אין 1897. אין 1925 איז אין קולדור אָרגאַניזירט געוואָרן דער ערשטער פּאַנסיִאָנאַט, וואָס האָט אויסגענוצט פאַר היילונג-צוועקן די הייסע קוואַלן פון מינעראַלע וואַסערן. הײַנט-צו-טאָג איז קולדור אַ היילונג-קוראָרט פון דער פעדעראַלער אַלרוסלענדישער באַדײַטונג. אינעם ישוב פונקציִאָנירן 5 סאַנאַטאָריִומס. די קראַנקייט, וועלכע ווערן געהיילט מיט דער הילף פון די קולדורער מינעראַלע הייסע וואַסערן, זײַנען אַרטריט, אָסטעאָכאָנדראָז און באַזונדערס קראַנקהײַטן פון הויט, אַזעלכע ווי עקזעמע און פּסאָריִאַז.

אין קולדור איז דאָ אַן אײַזנבאַן-סטאַנציע.

די באַשטענדיקע באַפעלקערונג פונעם ישוב האָט דערגרייכט איר מאַקסימום אין 1989 (4132 נפשות) און פון דעמאלט אָן האָט זי אַ קלאָרע טענדענץ צו אַ פאַרקלענערונג. לויט די אָנגאַבן פון 2010 האָבן אין קולדור געוווינט בלויז 1609 נפשות.

וועבלינקען

• אַן אומאָפיציִעל וועבזײַטל פונעם ישוב קולדור (אויף רוסיש) - http://poskuldur.ru/ (ארכיווירט 20.09.2017 ביי דער Wayback Machine)
• וועבזײַטל פונעם סאַנאַטאָריִום "קולדור" (אויף רוסיש) - http://www.kuldur.narod.ru/