סנסן ליאיר

סנסן ליאיר איז א קונטרס וואס ענטהאלט אין זיך א תפלה פאר השי"ת ער זאל מציל זיין אידן פון די אנגעהיצטע גוים, און די מיליטער און פאליציי זאלן האבן הצלחה צוריק האלטן די רוצחים צו טון שלעכט פאר אידן.

דאס האט געשריבן דער חיד"א, געדרוקט אין ליווארנא אין יאר ה'תק"נ.

וויבאלד די אידן פון שטאט זענען טאקע ניצול געווארן פון שלעכטס, האט מען זיך געפירט אין ליווארנא צו זאגן די תפלות אכצן טאג אין סיון, א זכר פארן נס.

אויך דער גאון רבי דניאל טירני דער רב פון פירינצי אין איטאליע האט געשריבן א תפלה דערויף מיטן נאמען כתב הד"ט.