נאנאטעכנאלאגיע

פֿון װיקיפּעדיע
קפיצה לניווט קפיצה לחיפוש

נאַנאטעכנאלאגיע, אדער אינקורצן נאַנאטעק, איז אן אלגעמיינער נאמען פאר דער שטודיע און טעכנאלאגיע פון פענאמענען פון סיסטעמען וואס זענען גרויס פון 1 ביז 100 נאנאמעטער. אין דעם שטח איז זייער וויכטיק די ווירקונג פון קוואנטן-מעכאניק. (איין נאנאמעטער איז א ביליאנטל, 10−9, פון א מעטער.)

די אנטוויקלונג פון נאנאטעכנאלאגיע האט זיך אנגעהויבן נאך דער ערפינדונג פון דעם מיקראסקאפ וואס קען קוקן אויף אזעלכע קליינע ווייטן.

נאנאטעכנאלאגיע שליסט איין מאכן פראדוקטן מיט אזעלכע קליינטשיקע טיילן, ווי למשל עלעקטראנישע אפאראטן, קאטאליסטן און סענסארן.

צו פארשטיין ווי קליין איז דאס, עס זענען פאראן אזוי פיל נאנאמעטער אין א צענטימעטער, ווי ס׳איז דא צענטימעטער אין 100 קילאמעטער.

נאנאטעכנאלאגיע ברענגט צוזאמען וויסנשאפטלער און אינזשענירן פון פארשידענע דיסציפלינען, ווי אנגעווענדטע פיזיק, מאטעריאל-וויסנשאפט, קאלאאיד-וויסנשאפט, אפאראט-פיזיק, כעמיע, מאשינען וואס שאפן זיך אליין, ראבאטיק, כעמישע אינזשעניריע, מעכאנישע אינזשעניריע, ביאלאגיע, ביאלאגישע אינזשעניריע און עלעקטרישע אינזשעניריע.