בן אפרים
בן אפרים איז געווען א קראישער חכם און מפרש, וואס האט געלעבט אין דער תקופה פון די גאונים אדער אין ארומיגע דורות. ער איז בעיקר באקאנט אין דער אידישער וועלט צוליב דעם וואס רבי אברהם אבן עזרא האט זיך מיט אים מתוכח אין פארשידענע ערטער אין זיין פירוש אויפן חומש.
אין זיינע פירושים דערמאנט דער אבן עזרא בן אפרים, און אין געוויסע פעלער רופט ער אים בן פרים. דער נאמען ווערט אנגעפירט אלס א שפיל מיט זיין נאמען, און דער אבן עזרא נוצט עס אין א שארפן און סארקאסטישן לשון, צו קריטיקירן זיינע פירושים און זיין פארשטאנד אין דקדוק הלשון.
די הויפט מחלוקת'ן אין חומש
[רעדאַקטירן | רעדאַקטירן קוואַלטעקסט]דער אבן עזרא דערמאנט בן אפרים אדער בן פרים אין פארשידענע ערטער אין חומש, וואו ער קריטיקירט זיינע פירושים.
- פרשת וירא (בראשית י"ט, ט"ז): אויפ'ן פסוק "ויתמהמה", ביי דער מעשה פון לוט אין סדום, האט בן אפרים געשריבן א פירוש אז דאס ווארט איז פארבונדן מיטן ווארט "מה". דער אבן עזרא ווארפט אפ דעם פירוש מיט גרויס שארפקייט און שרייבט: "ואתמה מהפירוש שחבר בן אפרים, שאמר כי ויתמהמה מגזרת מה". דער אבן עזרא ערקלערט אז דאס ווארט קומט פונעם שורש תמהה און באדייט זיך פארזוימען.
- פרשת ויצא (בראשית כ"ט, י"ז): אויפ'ן פסוק "ועיני לאה רכות" האט בן אפרים געטענה'ט אז עס פעלט דא אן אל"ף און דאס ווארט דארף זיין פארבונדן מיט "ארוכות". דער אבן עזרא קריטיקירט דעם פירוש און שרייבט דארט דעם באקאנטן לשון: "והוא היה חסר אל"ף", וואס ווערט פארשטאנען אלס א סארקאסטישע אנדייטונג אויפ'ן מחבר אליין.
זעט אויך
[רעדאַקטירן | רעדאַקטירן קוואַלטעקסט]- רבי אברהם אבן עזרא
- קראים