מעטאלורגיע

פֿון װיקיפּעדיע

מעטאלורגיע איז די וויסנשאפט פון מעטאלן, זייערע פארבינדונגען און געשמעלצן.

מען נעמט מעטאלן ארויס פון אַרצן, ד"ה שטיינער וואס אנטהאלטן א גוטע פראפארציע פון מעטאל אקסיד. דורך כעמיע אדער עלעקטריע טוט מען הייצן דאס ארץ ביז דער זויערשטאף שיידט זיך און מען בלייבט מיט ריינעם מעטאל.

עטימאלאגיע[רעדאַקטירן | רעדאַקטירן קוואַלטעקסט]

דאס ווארט מעטאלורגיע שטאמט פון אוראלט גריכיש : μεταλλουργός, מעטאַלורגאס, "ארבעטער אין מעטאל", פון μέταλλον, מעטאַלאן, "מעטאל" + ἔργον, ערגאן, "ארבעט".

היסטאריע[רעדאַקטירן | רעדאַקטירן קוואַלטעקסט]

די ערשטע מעטאלן וואס מענטשן האבן געניצט זענען געווען גאלד, זילבער, קופער, צין און מעטעארישער אייזן, מעטאלן וואס מען האט געטראפן פריי. אין אוראלט עגיפטן פלעג מען מאכן וואפן פון מעטעארישן אייזן, וואס זיי האבן גערופן ״שטעכמעסערס פון הימל״.