גראד (טעמפעראטור)

דער ארטיקל דיסקוטירט מעסטן טעמפעראטור. אויב איר זוכט גראד אין געאמעטריע, זעט גראד (ווינקל).

א גראַד אדער שטאַפל איז דער איינצהייט מיט וואס מען מעסט טעמפעראטור. מען ניצט דעם סימבאל ° צוזאמען מיט דער ערשטער אות פונעם נאמען פון דער סקאלע, למשל “°C” פאר גראד צעלזיוס (Celsius). וואס העכער דער נומער וואס הייסער עס איז.

די עיקר סיסטעמען פון מעסטן טעמפעראטור זענען צעלזיוס און פֿאַרנהייט; וויסנשאפטלער ניצן די קעלווין סקאלע.

טעמפעראטור סקאלעס געמאסטן אין גראד

פארשפרייטע סקאלעס וואס מעסטן טעמפעראטור אין גראד זענען:

• צעלזיוס (°C)
• קעלווין (K), וואס ניצט די צעלזיוס סקאלע, צוגעפאסט אז 0 קעלווין איז גלייך צו אבסאלוט נול.
• פֿאַרנהייט (°F)

פארגלייכונגען

• קאכפונקט פון וואסער: ‎100.0 °C / 212.0 °F
• שמעלצפונקט פון אייז: ‎ 0.0 °C / 32.0 °F
• מענטשלעכער קערפער טעמפעראטור: ‎ 37.0 °C / 98.6 °F
• צימער טעמפעראטור: ‎ 20 - 25 °C / 68 - 77 °F