קארדאבער שול

פֿון װיקיפּעדיע

קאארדינאטן: 37°52′47″N 4°47′0″W / 37.87972°N 4.78333°W / 37.87972; -4.78333

אריינגאנג צו דער קארדאבער שול

די קארדאבער שול  (שפאניש: Sinagoga de Córdoba) איז א היסטארישע געביידע אינעם יידישן פערטל פון דער שטאט קארדאבע אין שפאניע, געבויט אין 1315.

די שול, וואס געפינט זיך אינעם היסטארישן צענטער פון קארדאבע, האט מען געבויט אינעם מודעכאר (Mudéjar) סטיל דורך ארכיטעקטן אונטער יצחק מאהעב (Isaac Moheb). די געביידע שליסט איין א הויף, אין וואס מען קומט אריין פון דער גאס, און וואס פירט צום פאליש וואס גייט אריין צום זאל וואו מען דאווענט. אויף דער מזרח זייט פון דעם אריינגאנג זאל זענען טרעפן וואס פירן צו דער ווייבערשול, וואס געפינט זיך אין דער דרום זייט פון דעם דאווען־זאל. די ווייבערשול קוקט אריין צו דער דאווען־זאל דורך דריי געפוצטע בויגנס. דער דאווען־זאל מעסט 6.95 מעטער אין דער לענג און 6.75 מעטער אין דער ברייט.

זייט מען האט פארטריבן די יידן פון שפאניע אין 1492, האבן די שפאניער געניצט די געביידע פאר פארשידענע צוועקן. אין 1977 האט מען אנגהויבן רעמאנטן די שול, און אין 1985 האט מען ווידערגעעפנט די שול לכבוד דעם 850סטן יאר פונעם געבורט פונעם רמב"ם

וועבלינקען[רעדאַקטירן | רעדאַקטירן קוואַלטעקסט]

וויקימעדיע קאמאנס האט מעדיע שייך צו: קארדאבער שול