באַקוקן דעם מקור פון וואונדער וואמאן

{{יתום}}
[[טעקע:C2E2 2014 - Wonder Woman (14085194317).jpg|קליין|א קאסטיום פון וואונדער וואָמאַן]]
'''וואונדער וואָמאַן''' ([[ענגליש]]: ''Wonder Woman''; ווערטלעך: "וואונדער פרוי") איז א [[סופערהעלד]]ין וואס באווייזט זיך אין קאמיקס ביכער פובליצירט דורך [[DC קאמיקס]]. זי איז איינע פון די ערשטע פרויען סופערהעלדינס אין אמעריקאנישע קאמיקס און די מערסט בארימטע און איקאנישע פרוי סופערהעלדין אין די וועלט. וויליאַם מאָלטאָן מאַרסטאָן, א [[פסיכאלאגיע|פסיכאלאג]] וואס האט געמיינט אז פרויען קענען זיין שטארק און קרעפֿטיק ווי מענער, האט געשאַפֿן וואונדער וואָמאַן מיט א טייל אינספיראציע פון זיין ווייב עליזאַבעט האָלאָוויי-מאַרסטאָן. וואונדער וואָמאַן האט ערשט אויפֿגעטראָטן אין "אָל-סטאַר קאמיקס #8", וואס איז פובליצירט געווארן אין דעצעמבער 1941. איר ערשטע סאלא קאמיקס בוך האט ערשט דערשיינט אין זומער 1942, מיט די פובליקאציע פון "וואונדער וואָמאַן #1".

== געשיכטע ==
אין דעם קאמיקס בוך איז דער אמתער נאמען פון וואונדער וואָמאַן '''דיאַנע פּרינס''' (''Diana Prince''), און זי איז די טאכטער פון קעניגין היפּאָליטע. היפּאָליטע איז די הערשערין פון די [[אמאזאנס (מיטאלאגיע)|אַמאַזאָנס]], א ראַסע פון פּאַציפֿיסטישע פרויען פון אן אינזל מיטן נאמען טעמיסקירע (''Themyscira'', וואס ווערט אויך גערופן "פּאַראַדיס אינזל"). שנעל נאָך אַז סטיוו טרעוואָר, אן [[אמעריקאנער לופטפלאט|אמעריקאנער לופֿטפֿלאָט]] פּילאָט, קראכט אויף פּאַראַדיס אינזל אין דער [[צווייטע וועלט-מלחמה|צווייטער וועלט-מלחמה]], דיאַנע און די אַמאַזאָנס היילן אים און העלפֿן אים קומען צו זיך. דיאַנע באשטימט צו ברענגען אים צוריק אין די [[פאראייניקטע שטאטן|פֿאַראייניקטע שטאַטן]]; ווען זיי גרייכן דא ווערט זי די סופערהעלדין וואס הייסט וואונדער וואָמאַן. אירע מערסט באקאנטע מעגלעכקייטן זענען איבערמענטשלעכע שטארקייט, גיך און ריפֿלעקסן, און די מעגלעכקייט צו פֿליען. אויך האט זי א מאגישער [[לאסא|לאַסאָ]] וואס צווינגט די וואס ער כאַפּט צו זאגן דעם אמת, און אומברעכיקע בראַסלעטן וואס קענען שטויסן מעטאלכלעך.

== שונאים ==
צווישן אירע שונאים, די מערסט באקאנטע זענען:
* איירעס -  דער גריכישער גאט פון מלחמה, וועלכער זיינע ענערגיע און כמעט אומבאגרענעצטע כוחות ארבעטן מיט מלחמות און שנאה צווישן מענטשן.
* צירקע - אן אוראלטע מכשפה וואס קען פֿאַרוואַנדלען מענטשן אין בעלי חיים.
* די טשיטאַ - א בריטישע אַרכעאלאגין וואס האט אן אוראלטן מיסטישן ארטיקל וואס פֿאַרוואַנדלט זי אין א טשיטאַ-ענלעכע ווערפרוי מיט געוואלדיקע גיך, ריפֿלעקסן און שטארקייט, און א תאווה פאר בלוט.
* זילבערע שוואן - א פֿליענדיקע נבלה וואס איר הויפט מעגלעכקייט איז א זייער צעשטערישע אולטראַסאנישע שריי.
* ד"ר פסיכא - א שטארקער [[פסיכאקינעזיס|פסיכאקינעטישער]] מאן מיט א טיפֿע שנאה קעגן פרויען.
* דעוואַסטיישן - א שטארקע נבלה מיט כוחות וואס מימיקירן די פון וואונדער וואָמאַן; זי איז געשאַפֿן געווארן דורך די קינדער פון קראָנאָס אומצוברענגען וואונדער וואָמאַן און באַהערשן דעם [[אלימפאס|אָלימפּאָס]].

== וועבלינקען ==
{{קאמאנסלינק}}
* [http://www.dccomics.com/sites/wonderwoman/ אפיציעלע וועבזייטל] {{Webarchive|url=https://web.archive.org/web/20120208202316/http://www.dccomics.com/sites/wonderwoman/ |date=2012-02-08 }} {{לינקשפראך|ענגליש}}
* [http://dccomics.com/heroes_and_villains/?hv=origin_stories/wonder_woman דער אפשטאם פון וואונדער וואָמאַן ביים DC קאמיקס וועבזייטל] {{Webarchive|url=https://web.archive.org/web/20080811201209/http://dccomics.com/heroes_and_villains/?hv=origin_stories/wonder_woman |date=2008-08-11 }} {{לינקשפראך|ענגליש}}

{{כאראקטער-שטומף}}

[[קאַטעגאָריע:וואונדער וואמאן| ]]