נתן דוד ראבינאוויטש (פארצעוו)

נתן דוד ראבינאוויטש

געבורט	1866 ה'תרכ"ו
טויט	1930 (אלט 64 בערך) ז' שבט ה'תר"ץ שעדליץ, פוילן
טעטיקייט ארט	פארצעוו
פאטער	יצחק יעקב ראבינאוויטש

רבי נתן דוד ראבינאוויטש פון פארצעוו (ה'תרכ"ו, 1866 - ז' שבט ה'תר"ץ, 1930) איז געווען א רבי פון חסידים וואס האט געפירט זיין הויף אינעם שטעטל פארצעוו. דאס חסידות איז געווען א צווייג פונעם ביאלער חסידות. רבי נתן דוד איז געווען א בן אחר בן, דער פינפטער פונעם ייד הקדוש פון פרשיסחא.

ער איז געווען א שטארקער קעגנער פון ציוניזם‏‏.‏

ער איז געווען א גביר, און פון זיין צוואה (וואס מ'האט געדרוקט צום ערשטן מאל אין תר"ץ) ווייזט אויס אז ער האט איבערגעלאזט א הון רב אין זיין ירושה. ער פלעג ארויסגעבן א סך געלט כדי מקיים זיין מצוות מיט גרויס הידור.

זיינע קינדער

• אסתר גאלדא, ווייב פון רבי אברהם יעקב שפירא (ה'תרמ"ד - כ"ד אדר ב' ה'תשכ"ב) פון דראהביטש
• פייגא, ווייב פון רבי אהרן פערלאוו פון סטאלין-ווארשע
• רבי משה יחיאל אלימלך ראבינאוויטש פון לעבערטוב, זיין ממלא מקום
• רבי ברוך יהושע ירחמיאל ראבינאוויטש פון מונקאטש
• רבי יצחק יעקב ראבינאוויטש
• חוה, ווייב פון רבי ירחמיאל ישראל יוסף דאנציגער, זון פון רבי יצחק מענדל פון אלעקסאנדער
• דבורה, ווייב פון רבי יעקב לאנדוי
• רבי יודא לייב ראבינאוויטש
• רב אלעזר בצלאל יוסף ראבינאוויטש
• פעסקא, ווייב פון רבי וואלף פרידמאן

רעפערענצן

פֿריערדיגער: רבי יצחק יעקב ראבינאוויטש

רביס פון פרשיסכער גזע

נאָכפֿאלגער: רבי משה יחיאל ראבינאוויטש