שאפינג מאלל

פֿון װיקיפּעדיע
שפּרינג צו: נאַוויגאַציע, זוכן

אן איינקויף צענטער (שאפינג מאלל אדער שאפינג צענטער) איז א געביידע אדער עטליכע געביידעס וועלכע פארמאגן צענדליגער ריטעיל געשעפטן און זענען פארבינדן איינע מיט די אנדערע דורך ספעציעלע שפאציר-וועגן.


היסטאריע[באַאַרבעטן | רעדאקטירן מקור]

דער געדאנק פון צוזאמענברענגן עטליכע געשעפטן אין איין געביידע גייט צוריק טויזענטער יארן און איז א טייל פון ריטעיל סיסטעם איבער די גאנצע וועלט. אין איסטאנבול, טערקיי, איז פאראן א 500 יעריגע שאפינג צענטער וועלכע אנטהאלט 58 סטריט בלאקן וועלכע זענען פארבינדן אינאיינעם און איבערגעדעקט און עס זענען דארט פאראן איבער 4,000 געשעפטן.


שאפינג מאלל סארטן[באַאַרבעטן | רעדאקטירן מקור]

עס זענען פאראן צוויי סארט שאפינג מאללס: אינערליכע און אויסערליכע. אן אינערליכע שאפינג מאלל איז געווענליך איין אדער עטליכע געביידעס באהאפטן אין וועלכע עס איז פאראן א הויפט זאל וואס ווערט גענוצט דורך די איינקויפער צו שפאצירן און באטראכטן די געשעפטן.

אויסערליכע שאפינג צענטערן איז א ספעציעלע שטח וואו צענדליגער ריטעיל געשעפטן בויען זיך אויף אייגענע געביידעס אדער עטליכע אינאיינעם און די געביידעס זענען אויסגעשטעלט אין א פארעם מיט פארקינג ארום אדער אין צענטער.

רוב גרויסע שטעט פארמאגן ביידע סארט שאפינג מאללס אבער מען וועט געווענליך טרעפן מער אינערליכע שאפינג מאללס אין שטעט ווי עס איז פאראן א קאלטע ווינטער.

אין אמעריקע רופט מען געווענליך אן אויסערליכע שאפינג ארט אלס א שאפינג צענטער און א אינערליכע שאפינט ארט אלס א שאפינג מאלל. איבער די וועלט איז אבער נישט פאראן קיין צווישנשייד און דאס ווערט גערופן אנדערש אין אנדערע ראיאנען.