צבי יוסף רובין

רבי צבי יוסף רובין זצ"ל (ה'תרט"ו - חנוכה ה'תרפ"ט), רב אין יאסלא.

אפשטאם

רבי הירש יוסף איז געבוירן אין יאר ה'תרט"ו, צו זיין פאטער הרב אברהם יהושע העשיל רובין רב אין יאסלא, א זון פון הרב אלימלך רובין, רב אין סאקאלאוו, א זון פון הרב אשר ישעיה רובין, רב אין ראפשיץ, באקאנט אלס דער רבי ר' אשר'ל. און צו זיין מוטער א טאכטער פון הרב שמואל זיינוויל בינדיגער

רבנות

נאך זיין חתונה איז רבי הירש יוסף אריבער וואוינען ביים שווער אין סאנוק, דארט האט ער געעפנט א פריוואטע באנק און אנגעפירט מיט גרויסע געשעפטן פון האלץ, וועלדער און גיטער.

אין יאר ה'תרמ"ח ווען זיין פאטער איז ארויף קיין ארץ ישראל האט דער פאטער באפוילן מ'זאל אויפנעמן רבי הירש יוסף אלס רב אין יאסלא, דער שינאווער רב איז געקימן צופארן מיט זיינע חסידים אויף שבת אנטיילנעמן אין זיין באקרוינונג.

הסתלקות

רבי הירש יוסף איז נפטר געווארן חנוכה ה'תרפ"ט.

פאמיליע

רבי הירש יוסף האט געהייראט מרת שרה א טאכטער פון הנגיד הרב אביש קאנער, פון סאנוק. זייערע קינדער:

• הרב אלימלך רובין הי"ד (ה'תר"ם (אומגעפער) - חנוכה ה'תש"ג), רב אין יאסלא. ער האט געהייראט מרת חוה א טאכטער פון הרב אברהם חיים הורוויץ רב אין פלאנטש. זייערע קינדער:

• מרת רחל הי"ד, די ווייב פון הרב דוד האלבערשטאם הי"ד, פון דאברא, א זון פון הרב מנחם מענדל האלבערשטאם רב אין סטראפקאוו.

• אברהם חיים הי"ד, צפורה הי"ד.

• מרת דינה הי"ד, די ווייב פון הרב יואל היילפרין יאסלא רב אין ניו יארק.

• הרב אהרן רובין הי"ד (ה'תרמ"ה (אומגעפער) - ה'תש"ד (אומגעפער) ), רבי אין פאריסאוו.

• הרב מנחם מענדל רובין ( - כ"ז טבת ה'תרפ"ז), רבי אין לעמבערג נאכהער אין ניו יארק.

• מרת מרים, די ווייב פון הרב צבי הירש רובין.

• מרת דינה, די ווייב פון הרב חיים ברוך רובין רב אין יאשניצא.

• מרת רייזל די ווייב פון הרב מרדכי עפשטיין, פון ניישטאט.

• מרת פעסיא די ווייב פון הרב דוד הורוויץ, א זון פון הרב נפתלי הורוויץ פון מעליץ.

רעפערענצן

• אנציקלופדיה לחכמי גליציה, מאיר וונדר