שמחה ישכר בער האלבערשטאם

פֿון װיקיפּעדיע
שמחה ישכר בער האלבערשטאם
פאך רב רעדאקטירן דעם פֿאקט ביי וויקידאטן
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער

רבי שמחה ישכר בער האלבערשטאם זצ"ל (ה'תר"ל - כ' טבת ה'תרע"ד), רב אין ציעשינאוו, גאליציע.

אפשטאם[רעדאַקטירן | רעדאַקטירן קוואַלטעקסט]

רבי שמחה ישכר בער איז געבוירן אין סטראפקאוו אין יאר ה'תר"ל, צו זיין פאטער הרב יחזקאל שרגא האלבערשטאם, דער שינאווער רב, א זון פון הרב חיים האלבערשטאם, דער דברי חיים. אין צו זיין מוטער מרת חנה רחל א טאכטער פון הרב צבי הירש רומערז, רב אין לעשנוב, (א ברידער פון מרת מלכה די רביצין פון דעם שר שלום פון בעלזא).


רבנות[רעדאַקטירן | רעדאַקטירן קוואַלטעקסט]

יונגערהייט איז שוין דער אסטראווצער גאון געווען באגייסטערט פון רבי שמחה ישכר בער, דער בית יצחק האט זיך אויסגעדריקט אויף אים, ער האט נאך נישט געזען א זיין יונגן למדן.

נאך זיין חתונה איז רבי שמחה ישכר בער געבליבן אין בעלזא ביי זיין שווער, ווי ער האט זיך אנגעזאפט מיט תורה און עבודה, און זיין שווער האט אים צוגעוויסן וויאזוי צו זיין א פירער ביי כלל ישראל.

אין יאר ה'תרנ"ג איז רבי שמחה ישכר בער אויפגענימן געווארן רב אין ציעשינאוו, חנוכה ה'תרנ"ט, (דאס יאר וואס זיין פאטער דער שינאווער רב איז נפטר געווארן) האט אים זיין פאטער געהייסן צינדן אין זיין מנורה, חסידים האבען דאס אויסגעטייטשט פאר א צייכען אז ער גיבט אים איבער זיין ארט.

רבי שמחה ישכר בער איז געווען אן אויסגעשפראכנער קעגנער פון די ציוניסטישע באוועגונג, דערפאר האבען זיי אים שטענדיג פראבירט צובאשמוצען אין די יידישע פרעסע.

רבי שמחה ישכר בער פלעג פאסטן יעדן פרייטאג אין די וואכן פון שובבי"ם. איינמאל אין זיינע לעצטע יארן איז ער געווען שוואך פון פאסטן האט ער געאיילט צו מאכן קידוש פאר זעקסע (ווייל ס'איז דא א הקפדה נישט צו מאכן קידוש פרייטאג צונאכט צווישן זעקסע און זיבענע) און ער האט שוין געהאלטן דעם בעכער אין זיין האנט ווען ער האט געהערט דער זייגער קלאפט די שטונדע זעקס, איז ער געבליבן מיטן בעכער אין זיין האנט צוליב דעם כבוד פונעם קידוש בעכער.[1]

הסתלקות[רעדאַקטירן | רעדאַקטירן קוואַלטעקסט]

רבי שמחה ישכר בער איז געווארן קראנק אין תר"ע, און איז נפטר געווארן כ' טבת ה'תרע"ד.

פאמיליע[רעדאַקטירן | רעדאַקטירן קוואַלטעקסט]

רבי שמחה ישכר בער האט געהייראט מרת פריידא א טאכטער פון הרב יהושע רוקח, רב אין בעלזא, דער מיטלער רב פון בעלזא, א זון פון הרב שלום רוקח, דער שר שלום. זייערע קינדער:

  • החתן חנניה יום טוב ליפא האלבערשטאם הי"ד.
  • הבחור יהושע האלבערשטאם הי"ד.
  • הבחור חיים צבי הירש האלבערשטאם הי"ד.
  • הבתולה פריידא האלבערשטאם הי"ד.

רעפערענצן[רעדאַקטירן | רעדאַקטירן קוואַלטעקסט]

  • י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
  • אנציקלופדיה לחכמי גליציה, מאיר וונדר
  1. י"ג אורות