דאנאלד טראמפ

פֿון װיקיפּעדיע
דאָנאַלד דזשאָן טראַמפ
דאָנאַלד טראַמפּ
דער 45סטער פרעזידענט פון די פאראייניגטע שטאטן פון אמעריקע
איינגעשוואוירן: 20סטן יאנואר 2017
פארגייער: באראק אבאמא
נאכפאלגער: דזשאו ביידן
געבוירן: 14טן יוני 1946
געבורט ארט: קווינס, ניו יארק סיטי
ערשטע פרוי: מעלאניע טראמפ
פארטיי: רעפובליקאנער
וויצע פרעזידענט: מייק פענס
אונטערשריפט: אונטערשריפט

דאָנאַלד דזשאָן טראַמפּ (ענגליש: Donald John Trump; געבוירן ט"ו סיון ה'תש"ו 14טן יוני 1946) איז אן אמעריקאנער ביזנעסמאן, מעדיע פערזענליכקייט, פאליטיקאנט, דער 45 טער פרעזידענט פון די פאראייניגטע שטאטן, ער איז געווען דער פארזיצער פון דער טראַמפּ ארגאניזאציע און דער אייגנטומער פון פילע 'טראַמפּ' ביזנעסער און דעוועלאפמענטס.

דאָנאַלד טראַמפּ'ס טאכטער איוואנקא האט זיך מגייר געווען לויט דער הלכה. זי האט געהייראט א איד, דזשערעד קושנער.

דאנאלד טראמפ מיט זיין פאמיליע
טראמפ מיט זיין טאכטער איוואנקא, 2016

ביאגראפיע[רעדאַקטירן | רעדאַקטירן קוואַלטעקסט]

טראַמפ איז געבוירן געווארן דעם 14טן יוני 1946 אין דזשאמייקע, קווינס, א געגנט אין ניו יארק סיטי, דער פערטער פון פינעף קינדער געבוירן צו פרעדעריק טראמפ (1905–1999) און מערי ען טראמפ (געבוירן מאקלאוד, 1912–2000). זיינע געשוויסטער זענען מעריאן, פרעד דזשוניער, עליזאבעט און ראבערט.

ער האט געהייראט זיין ערשטע ווייב, טשעכישע מאדעלקע איוואנא זעלניטשקאווא אום 7טן אפריל, 1977.

ווערק[רעדאַקטירן | רעדאַקטירן קוואַלטעקסט]

טראַמפּ איז דער ארויסגעבער פון עטליכע שטארק פאפולערע ביכער. צווישן זיי דער גאר אויפגעכאפטע בוך 'דער קונץ פונעם געשעפט' (The Art of The Deal), וואס רעדט איבער וויאזוי צו פירן און שליסן געשעפטליכע פארהאנדלונגען.

אויך האט ער א יאר פאר דער סעפטעמבער 11 אטאקע אויף די צווילונג וואלקן קראצערס אין מאנהעטן ארויסגעגעבן די בוך 'די אמעריקע וואס מיר פארדינען זיך' (The America We Deserve), אין וועלכע ער זאגט פאר אז טעראריסטן זענען נישט ווייט פון צו נוצן עראפלאנען אויסצופירן א שרעקליכע טעראריסטישע אטאקע אויפן אמעריקאנעם באדן. אין זיין בוך קריטיקירט ער די צוגאנג פון דער דעמאלטס'דיגער רעגירונג, וואס ברענגט נישט קיין גוטע קאנסעקווענצן.

פרעזידענטשאפט[רעדאַקטירן | רעדאַקטירן קוואַלטעקסט]

דאָנאַלד טראַמפּ האט גענומען ערנסט אין באטראכט צו לויפן פאר פרעזידענט פון די פאראייניקטע שטאטן אין יאר 2012. ביים ענדע האט ער באשלאסן דעמאלט נישט צו לויפן. אנשטאט האט ער אויסגעווארט ביז די וואלן אין 2016.

פריימערי וואלן[רעדאַקטירן | רעדאַקטירן קוואַלטעקסט]

אין יולי 2015 האט ער געמאלדן אז ער לויפט צו זיין דער פרעזידענט קאנדידאט פון דער רעפובליקאנער פארטיי פאר די וואלן אין 2016. זינט דאן איז ער געווען אין צענטער פונעם פארמעסט, זייענדיג פאראויס אין רוב נאציאנאלע אנקעטעס. ער האט זיך פארמאסן אנטקעגן זעכצן אנדערע מאכטפולע קאנדידאטן, אריינגערעכנט בען קארסאן און גאווערנארס ווי זשעב בוש דער גאווערנאר פון פלארידע, קריס קריסטי דער גאווערנאר פון ניו זשערסי און דזשאן קעסיג דער גאווערנאר פון אהייא, און סענאטארן ווי טעד קרוז פון טעקסאס און מארקא רוביא פון פלארידע. אבער רוב פון זיי האבן זיך ארויסגעצויגן שוין אין די ערשטע פאזעס פונעם פארמעסט איינזעענדיג אז זיי האבן נישט קיין אויסזיכטן, מיטן אויסנאם פון געציילטע קאנדיטאטן ווי טעד קרוז, וועלכער האט געוואונען די וואלן אין א רייע שטאטן און איז געבליבן אינעם פארמעסט ביז כמעט צום סוף ווען עס איז קלאר געווארן אז טראַמפּ האט געוואונען די מערהייט פון די דעלעגאטן.

טראַמפּ האט גענאסן פון גאר אסאך קעגנערשאפט פון פאליטיקאנטן אינערהאלב די רעפובליקאנע פארטיי, זייענדיג א דרויסנדיגער מיט א לויזע און טשעפעדיגע צונג און א אפענע קריטיקירער פון פאליטישע פערזענליכקייטן. אבער נאכן אפהאלטן די פריימערי וואלן אין רוב שטאטן, אין א שווערע און היסטאריש שטורמישע פארמעסט, איז דער ביליאנער דאָנאַלד טראַמפּ דערקלערט געווארן דער פאקטישער געוואונער און איז באשטימט געווארן אלס דער רעפובליקאנער קאנדידאט פאר די פרעזידענטליכע וואלן אין 2016.

ביי זיין קאמפיין האט טראַמפּ אויסגעגעבן דאס ווייניגסטע געלט פון אלע קאנדיטאטן, און דאך האט ער געבראכן די רעקארד באקומענדיג די מערסטע צאל שטימען פון סיי וועלכע רעפובליקאנער פריימערי פארמעסט אין היסטאריע.

לאָגאָ פֿון טראמפ פֿאַר פּרעזידענט קאָמפּיין 2016

אלגעמיינע וואלן[רעדאַקטירן | רעדאַקטירן קוואַלטעקסט]

דורכאויס די טעג איידער די 2016 אלעגמיינע וואלן זענען פארגעקומען, האבן אלע מעדיע נעצן, אנקעטע נעמער און סטאטיסטיקער פארגעשאצט א קלארע געווינס פאר זיין דעמאקראטישע קעגנער הילערי קלינטאן. ווען עס אבער געקומען די נאכט פון די וואלן (דינסטאג לך תשע"ז) האט זיך ארויסגעשטעלט אז טראַמפּ האט געווינען אלע סווינג שטאטן, אריינגערעכנט אזעלכע שטאטן ווי פענסילוועניע, מישיגן און וויסקאנסין וואס א רעפובליקאנער האט זיי נישט געוואונען זינט די 1980 יארן, און דערמיט געווינען דאס פרעזידענט בענקל אלס טאטאלע סורפרייז. קלינטאן האט טאקע באקומען א צוויי מיליאן מער שטימען דורכאויס גאנץ אמעריקע צוליב די פילע שטימען וואס זי באקומען אין די געציילטע שטארק באוואוינטע שטאטן, אבער טראַמפּ האט למעשה געוואונען די וואלן וויבאלד ער איז אריינגעקומען דער געוואונער אין רוב שטאטן, באקומענדיג 306 עלאקטארעלע שטימען, אנטקעגן קלינטאנס 232 עלאקטארעלס.

2020 וואלן[רעדאַקטירן | רעדאַקטירן קוואַלטעקסט]

זעט דעם הויפּט אַרטיקל – 2020 פרעזידענט-וואלן אין די פאראייניגטע שטאטן

אין 2020 איז פארגעקומען א היציגע וואל-פארמעסט, וואו טראמפ האט פארלוירן ווידערוויילונג פאר א צווייטן טערמין, קעגן דזשאו ביידן.

טראמפ האט פרובירט צו שרייען אז די וואלן זענען גע'גנב'עט געווארן פון אים. זיין קאמפיין האט אריינגעגעבן צענדליגע אנקלאגעס אין געריכט, אבער זיי זענען אלע אפגעווארפן געווארן, וויבאלד עס נישט געווען קיין שום קראנטע באווייזן אז מען האט גע'גנב'עט די וואלן. 6טן יאנואר, 2020, האט דער פרעזידענט דורכגעפירט א ראלי קעגן די אנגעבליכע וואלן פעלשערייען, און עס האט זיך געענדיגט אין א ווילדן איבערפאל אויפן קעפיטאל געביידע.

אימפיטשמענט[רעדאַקטירן | רעדאַקטירן קוואַלטעקסט]

טראמפ איז אין לויף פון זיין פיר יאר אלס פרעזידענט אימפיטשט געווארן צוויי מאל - דער איינציגסטער אמעריקאנער פרעזידענט מיט אזא רעקארד.

די פראטעסטן קעגן אים[רעדאַקטירן | רעדאַקטירן קוואַלטעקסט]

נאך דער איינשווערן צערעמאניע, זענען פארגעקומען פולע פראטעסטן קעגן אים, סיי אין אמעריקאנישע שטעט, און סיי נאציאנאל. די פראטעסטירער זענען געווארן געשאצט אלע צוזאמען אין די מיליאנען.

גאלעריע[רעדאַקטירן | רעדאַקטירן קוואַלטעקסט]

זעט אויך[רעדאַקטירן | רעדאַקטירן קוואַלטעקסט]

רעפערענצן[רעדאַקטירן | רעדאַקטירן קוואַלטעקסט]