צבי אלימלך האלבערשטאם

פֿון װיקיפּעדיע
צבי אלימלך האלבערשטאם
געבורט 21 נאוועמבער 1952 (אלט 71)
פאראייניקטע שטאטן פון אמעריקע רעדאקטירן דעם פֿאקט ביי וויקידאטן
מדינה ישראל רעדאקטירן דעם פֿאקט ביי וויקידאטן
פאטער יקותיאל יהודה האלבערשטאם רעדאקטירן דעם פֿאקט ביי וויקידאטן
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער

רבי צבי אלימלך האלבערשטאם (געב' ב' חשוון ה'תשי"ג; 21סטן אקטאבער 1952) איז דער צאנזער רבי פון ארץ ישראל אין "קרית צאנז", נתניה, און א מיטגליד אין דער מועצת גדולי התורה פון אגודת ישראל.

ביאגראפיע[רעדאַקטירן | רעדאַקטירן קוואַלטעקסט]

רבי צבי אלימלך איז געבוירן געווארן אין יאר התשי"ב אין די פאראייניגטע שטאטן. ער איז דער עלטסטער זון פון רבי יקותיאל יהודה האלבערשטאם, דער פריערדיגער קלויזענבורגער רבי און גרינדער פון דער קרית צאנז געגנט, און מרת חיה נחמה, טאכטער פון רבי שמואל דוד אונגאר, אב"ד נייטרא. ער איז "נשיא" פון די מוסדות התורה והחינוך פון "צאנז", צווישן זיי דער לאניאדא שפיטאל און דאס גרויסע "מפעל הש"ס העולמי", און א פאר ישיבות אין קהילות אין אלע שטעט אין ארץ ישראל, אין אויך די קהילות "שפע חיים" אין אמעריקע, אויפן נאמען פונעם צאנז-קלויזנבורגער רבי זי"ע. אויך האט ער קהילות אין ענגלאנד און אין אנטווערפן.

אין יאר ה'תשע"ב צוליב די ענגשאפט אין דעם צאנזער שיכון פון נתניה, לויט זיין אנווייזונג, איז אויפגעשטעלט געווארן די געגנט 'קרית צאנז' אין דער שטאט טבריה. אין דער נייער געגנט וואס באשטייט הויפטזעכליך פון יונגע פארפעלקער, די בוי גייט אן ווייטער, און לויטן אורשפרינגליכן פלאן די געגנט וועט אנטהאלטן 400 וואוינוגען.

זיין חסידות ציילט נאנט צו צווי און אהאלב טויזנט ראשי משפחות.[פֿעלט אַ מקור]

ער איז זייער א בעגאבטער מענטש מיט א הדרת פנים, און א רעספעקטירטער פערזאן, ער זאגט כסדר פשעטלעך וואו ער ווייזט גרויס בקיאות, חריפות, און גאונות אין חסידות, השקפה, הלכה און תלמוד.

משפחה[רעדאַקטירן | רעדאַקטירן קוואַלטעקסט]

רבי צבי אלימלך האט געהייראט אום ראש חודש אלול, ה'תש"ל מרת חיה שרה, א טאכטער פון רבי שמואל אונסדארפער אב"ד ראשית חכמה מאנטריאל. זייערע קינדער זענען:

  • רבי יחזקאל שרגא ברוך - דער רב הצעיר פון קרית צאנז, האט געהייראט מרת מינדל צירל, די טאכטער פון זיין פעטער יצחק אריה לייבוש היילפרין (זון פון רבי אלחנן היילפרין און איידעם ביי רבי שמואל אונסדארפער).
  • רבי יוסף משה דוב - אנפירער פונעם נעצווערק פון צאנזער ישיבות, האט געהייראט מרת שרה לאה, די טאכטער פון זיין פעטער הרב אשר אנשיל לעמבערגר פון מאקאווא אלעד-נתניה (איידעם ביי רבי שמואל אונסדארפער).
  • רבי אברהם - ראש פון די צאנזער יונגעלייט חבורות און משפיע אין דער ישיבה קטנה אין קרית צאנז, נתניה. ער האט געהייראט מרת נחמה אסתר , א טאכטער פון רבי אברהם שלום ישכר דוב ליפשיץ-האלבערשטאם פון סטראפקאוו
  • רבי מאיר משולם, האט געהייראט מרת ברכה, טאכטער פון זיין פעטער הרב יעקב אליהו אונסדארפער.‏[1]

רעפערענצן[רעדאַקטירן | רעדאַקטירן קוואַלטעקסט]