ענטעבע אפעראציע

פֿון װיקיפּעדיע
ישראלדיקע קאמאַנדאס פון סיירת מטכ"ל נאך דער אפעראציע

די ענטעבע אפעראציע אדער יונתן אפעראציע איז געווען א ישראלישע אקציע אין דער שטאט ענטעבע אין אוגאנדע, אין יאר 1976. נאכדעם וואס דייטשן און פאלעסטינער, פון די פראנט פונעם פאלק פארן באפרייען פאלעסטינע, האבן פארכאפט אן עראפלאן פון דער ער פראנס פירמע, אפגעזונדערט די יידן פון די גויים, אלס משכונות, און פארלאנגט דערפאר די באלדיגע באפריינוג פון טעראריסטן אין ישראל טורמעס.

אין 4טן יולי 1976, זענען אהינגעפארן עטליכע ישראל עראפלאנען פון דעם לופטפלאט, מיט זעלנער פון סיירת מטכ"ל און גולני, און באפרייט די 105 פארכאפטע יידן, אין אן אקציע וואס האט מצליח געווען, און די וועלט איז געווען ערשטוינט פון די סוקסעס.

פיר ציווילע זענען אומגעקומען ביים אקציע און נאכדעם. אן עלטערע פרוי, דארא בלאך, וואס מ׳האט זי גענומען אין שפיטאל ווען זי האט זיך דערשטיקט אויף א ביינדל, און איז געהרגעט געווארן אויפן באפעל פון אידי אמין, דער פרעזידענט פון אוגאנדע יענע צייט.

די 102 פארכאפטע יידן וואס זענען געבליבן לעבעדיג האט מען געפירט קיין ישראל דורך נייראבי, קעניע, א קורצע צייט נאכהער.

דער קאמאנדיר פון דער אפעראציע יונתן נתניהו, דער ברודער פונעם שפעטערדיקן פרעמיער מיניסטער בנימין נתניהו, איז אומגעקומען אינמיטן דער אקציע ביי שיסעריי אויסטוישן צווישן די ישראל זעלנער, און אוגאנדישע זעלנער. אויף זיין נאמען ווערט גערופן די אקציע אין ישראל "מבצע יונתן".

די מערב וועלט האט עס אנגענומען ווי א פארלייכטערונג, און מערערע לענדער האבן אויסגעדרוקט סאלידאריטעט פאר ישראלס שריט. די אראבישע וועלט און די קאמוניסטישע לענדער, האבן פארדאמט די טעראריסטן. עגיפטן, איראק, תימן און סיריע, האבן פארדאמט ישראל פארן אומברענגען פרייהייט קעמפער.

אין די פאראייניקטע שטאטן האט מען געזען אין דעם א זיג פארן פרייהייט, וויבאלד עס איז געווען אויפן 4טן יולי.

די פאראייניגטע פעלקער האט אויך פארדאמט די אקציע, ווי געווענליך. און קורט וואלדהיים האט דערקלערט אז דער פאברעכן איז א "שרעקליכע ווייגעשריי" קעגן ציוויליזאציע.