מאיר דן פלאצקי
 | |
| געבורט |
1866 ה'תרכ"ו  |
|---|---|
| טויט |
27 מערץ 1928 (אלט 62 בערך) ו' ניסן ה'תרפ"ח |
  | |
הרב מאיר דן רפאל פלאצקי בעל הכלי חמדה (ה'תרכ"ו - ו' ניסן ה'תרפ"ח ; 1866–1928) איז געווען פון די חשובע רבנים אין פוילן אין אָנהייב פונעם 20סטן יאָרהונדערט, איינער פון די גרינדער פון אגודת ישראל אין פוילן און אַ מיטגליד אין דער מועצת גדולי התורה, און דער מחבר פון דעם ספר כלי חמדה אויף חומש.
ביאגראפיע[רעדאַקטירן | רעדאַקטירן קוואַלטעקסט]
ערשטע יארן[רעדאַקטירן | רעדאַקטירן קוואַלטעקסט]
ער איז געבוירן געווארן אין יאר תרכ"ו (1866) צו ר׳ חיים יצחק בער פלאצקער, א חסיד פון רבי העניך פון אלעקסאנדער און דעם שפת אמת פון גער, און זיין ווייב געלא. שוין אין זיינע יונגע יארן האט מען דערקענט זיינע פעאיקייטן און התמדה. ווען ער איז געווען 9 יאר אלט האט מען אים געשיקט צום בית מדרש פון רבי חיים אלעזר וואקס אין קאליש. צוויי יאר נאכהער האט רבי חיים אלעזר אים געשיקט צו לערנען ביי זיין שווער, רבי ישראל יהושע טרונק, דער קוטנער רב. ער האט געלערנט ביי אים צוויי יאר, און דערנאך איז ער אריבער לערנען אין סאכאטשאוו ביים סאכאטשווער רבי׳ן רבי אברהם בארנשטיין. אויף דעם רבי׳ן זיינע האט ער געזאגט: "האיר עיני בדרך לימוד בתורה הקדושה והתחלתי לטעום אצלו נועם מתיקות תורתנו הקדושה".[1] אין תרמ"ב (1882) האט ער חתונה געהאט אין דווארט. זיין שווער האט אים געקויפט א גרויסע ביבליאטעק און ער איז געבליבן דארט צען יאר אויף קעסט. ער איז געווען א חסיד פון די מחסידי גערער רבי׳ס: דער שפת אמת און זיין זון דער אמרי אמת.
רב און מנהיג[רעדאַקטירן | רעדאַקטירן קוואַלטעקסט]
אין 1891 האט ער אנגעהויבן דינען אלס שטאטס רב פון דווארט. אין 1903 האט ער פארעפנטלעכט זיין ערשטן ספר "חמדת ישראל", און אין 1906 דעם ערשטן טייל פון זיין ספר "כלי חמדה".
וועבלינקען[רעדאַקטירן | רעדאַקטירן קוואַלטעקסט]
- חמדת ישראל, ביי HebrewBooks
- כלי חמדה, ביי HebrewBooks
- שאלו שלום ירושלים, ביי HebrewBooks
- פרטים על הספר "חמדת ישראל"
- קובץ "אור המאיר" שיצא לזכרו של ה"כלי חמדה" בשנת תרצ"ו (כולל מאמרים על אישיותו), ביי HebrewBooks
- אשכול לזכרו בפורום אוצר החכמה
הערות[רעדאַקטירן | רעדאַקטירן קוואַלטעקסט]
- ↑ אריינפיר צום ספר "חמדת ישראל"