חיים זאנוויל אבראמאוויטש

פֿון װיקיפּעדיע
הרב חיים זאנוויל אבראמאוויטש
ריבניצער רבי
געבורט 1902
ה'תרנ"ח אדער ה'תרס"ב
באטאשאן, רומעניע רעדאקטירן דעם פֿאקט ביי וויקידאטן
טויט 18 אקטאבער 1995 (אלט 93 בערך)
כ"ד תשרי ה'תשנ"ו
מאנסי, פאראייניקטע שטאטן פון אמעריקע רעדאקטירן דעם פֿאקט ביי וויקידאטן
מדינה קעניגרייך פון רומעניע, סאוועטן פארבאנד, רומעניע, ישראל, פאראייניקטע שטאטן פון אמעריקע רעדאקטירן דעם פֿאקט ביי וויקידאטן
חתימה
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער

רבי חיים זאַנוויל אבראמאוויטש (געבוירן ה'תרנ"ח אדער ה'תרס"ב - כ"ד תשרי ה'תשנ"ו), דער ריבניצער רבי, איז געווען באוואוסט אלס א פועל ישועות.

לעבנסגעשיכטע[רעדאַקטירן | רעדאַקטירן קוואַלטעקסט]

ר' חיים זאנוויל איז געבוירן צו זיין פאטער ר' משה, און מוטער יוטא ציפורה, אין באטאשאן, רומעניע, אין תרס"ב. ער איז געווען א חסיד פון דעם שטעפאנעשטער רבי, הר"ר אברהם מתתיהו פרידמאן.[1]

פילע אינטערעסאנטע לעגענדעס און וואונדער הערט מען פון זיין לעבן און שאפן, ער איז געווען פארעכענט אלס אן הייליגער געטליכער מאן א קדוש וטהור וואס האט זיך מוסר נפש געווען אין קאמוניסטישן רוסלאנד צו טון מצוות און מל'ען אידישע קינדער אונטער די גרעסטע סכנות.

ער איז ארויסגעקומען פון רוסלאנד תשכ"ט קיין ירושלים, וואו ער האט געוואוינט אין קרית מאטערסדארף. נאך עטלעכע יאר האט ער זיך געצויגן אין אמעריקע.

די ערשטע צייטן האט ער זיך אויפגעהאלטן אין מיאמי. שפעטער האט ער זיך געצויגן קיין ברוקלין, אין קרוין הייטס, ער האט געוויילט א תקופה אין סיגעיט, דערנאך בארא פארק ,ווי אויך א תקופה און לאס אנדזשעלעס, און נאך פלעצער, אבער דערנאך האט ער זיך באזעצט אין מאנסי, און געווארן באקאנט אלס א גרויסער רבי.

ער איז אויכעט געווען א גרויסער מוהל, ביז שנת תשמ"א האט די רבי ג"מל"ט טויזענטער קינדער,

אין אמעירקע האבען אים צו געהאלפען צוויי באוויסטע מוהלים, הרב אברהם הכהן רמי קאהן זצ"ל באוויסט אלטץ מחבר ספר "ברית אברהם הכהן" זייענדיג זייער א נאנטער מקורב און שטוב מענטש פון דער צדיק, ווי אויכעט הרב החסיד רבי יעקב מרדכי וויינבערגער זצ"ל דער באוויסטער וועלט'ס מוהל מומחה,

א שוחט, א רב, א רבי, אלעס האט ער געדאווענט פאר די עמוד ער האט געפאסט גאנצע טעג, ער האט מרבה געווען צו גיין אין מקווה.

אידן פארציילן מופתים און וואונדער וואס ער האט געזען האבנדיג אפענע אויגן צו זען אלץ.

הרב עזריאל טויבער האט אים פיל געהאלפן ארויסברענגענדיג דעם רבי פון רוסלאנד ווי אויך ראמי קאהן—ער שילדערט פיל אין זיין ספר וועגן אים, מרדכי בן דוד האט פיל זיך געדרייט ביי אים און נאך פארשידענע עסקנים. צווישן זיינע גבאים זענען געווען יחזקי' האפמאן, יצחק תהילים, אברהם שעהנוואלד, אברהם הערש גליק, ארי' געלדצעלער, יואל יואלי'ש קרויס (ב"ר שלמה אריה), משה וועג און משה בערקאוויטש משב"ק.

נאך זיין פטירה האט מען מייסד געווען א חדר תשב"ר נחלת חיים ריבניץ אויף זיין נאמען, וואס ווערט געפירט פון הרב חיים פלאהר. דער מוסד איז על טהרת הקודש מ'נעמט נישט קיינע פראגראמען נאר ריינע געלט.

צו זיין ציון שטראמען אידן אין די  טויזנטער, אלע טעג פון יאר, ס'כמעט נישטא א צייט דורכ'ן גאנצן יאר, טאג און נאכט, וואס ס'זאל זיין ליידיג פון מענטשן דארט, ממש ארום דער זייגער.

רעפערענצן[רעדאַקטירן | רעדאַקטירן קוואַלטעקסט]