אליעזר חיים בלום

רבי אליעזר חיים בלום (כ"ו תשרי תרצ"ט–ז׳ טבת תשע״ט) איז געווען דער קאשויער רבי.

ביאגראפיע

ער איז געבוירן געווארן כ"ו תשרי ה'תרצ"ט צו זיינע עלטערן רבי רפאל בלום און חנה מלכה.

ער איז געווען איינער פון די פאסאזשירן וואס זענען מיטגעפארן אין דער קאסטנער באן צוזאמען מיט רבי יואל טייטלבוים.

ער האט געהייראט ציפורה די טאכטער פון רבי מרדכי פריעדמאן.

ער האט געוואוינט אין שיכון סקווירא איידער ער האט זיך אוועקגעצויגן קיין מאנסי.

ער איז געווען מנהל און קאשוי ישיבה און דערנאך האט ער געעפנט אן אייגענע ישיבה מיטן נאמען בית שמואל אין מאנסי.

זייענדיג דער עלטסטער זון פון רבי רפאל האט מען אים באקרוינט רבי נאך דער פטירה פון רבי רפאל.

ער האט חסידים און אנהענגערס, ווי אויך איז ער באוואוסט מיט זיינע ידיעות און פארשטאנד, בפרט אין חכמת הרפואה. חרדי'שע אידן רעדן זיך דורך מיט אים בפרט אין עניני חינוך.

ער איז נפטר געווארן פרייטיק צונאכט פ׳ ויגש (ז׳ טבת) תשע״ט.

קינדער

• רחל לאה, ווייב פון רבי משה אבראהאם, אדמו"ר מבארדיטשוב. זון פון רבי צבי דוב.
• ליבא גיטל ברכה, ווייב פון יעקב בנימין פירטה.
• הינדא רבקה, ווייב בזיוו"ר פון אהרן ארי' טעללער.
• שרה שפרה, ווייב פון רבי גדליה הכהן כ"ץ, ר"מ בישיבת שער אפרים
• מרת אסתר, ווייב פון רבי יעקב משה לעבאוויטש ר"י בית הילל, זון פון רבי יצחק, גאב"ד וואודרידזש.
• יעקב יוסף, איידעם פון ר' אלי' בערקאוויטש ז"ל פון קר"י.
• חיה זייטל, ווייב פון זאב וואלף וואלנער.
• רייזל, ווייב פון נתן בנימין קרויס.
• דבורה נחמה, ווייב פון זלמן לייב ראזנבערעגער מנהל רוחני בת"ת נועם אלימלך ליזענסק.
• מינדל, ווייב פון משולם זלמן בעק זון פון טשערקאסער רבי.
• ביילא, ווייב פון אפרים ברוך דאסקאל, זון פון יחיאל ישראל.