לאנדאן היטרוי פליפעלד

טערמינאל 5 אין היטרוי פליפעלד

לאנדאן היטרוי ערפארט (LHR), פלאצירט אין דער לאנדאנער בארא פון הילינגדן, איז דאס גרעסטע לופטפעלד אין דעם פאראייניגטן קעניגרייך. אין מאס פון פאסאזשירן פֿארקער איז עס דאס פינפטע גרעסטע אין דער וועלט, און עס באהאנדלט מער אינטערנאציאנאלע פאסאזשירן ווי סיי וועלכן פליפעלד אין דער וועלט. דאס לופטפעלד געהערט צו BAA, וואס פארוואלטעט נאך דריי פליפעלדער אינעם פאראייניגטן קעניגרייך.

דאס לופטפעלד איז 22 ק"מ פון צענטראל לאנדאן.

ס'זענעם דא פינף טערמינאלן. די צוויי נייעסטע זענען טערמינאל 5, וואס די מלכה עליזאבעט די צווייטע האט געעפנט אפיציעל דעם 14טן מערץ 2008, און טערמינאל 2, וואס האט געעפנט דעם 4טן יוני 2014.

היטרוי איז איינע פון זעקס פליפעלדער וואס באדינען לאנדאן.

סטארטפאסן

היינט ווערן געניצט צוויי פאראלעלע סטארטפאסן, וואס ליגן מזרח-מערב: דער צפונדיקער (09L/27R) און דער דרומדיקער (09R/27L). איינער ווערט געניצט פאר אויפפליען און דער צווייטער פאר לאַנדן.

צוטריט

פובליקער טראנספארט

באן

• היטרוי עקספרעס: א דירעקטע באדינונג צו פאדינגטאן סטאנציע אין לאנדאן; באנען פארן ארויס יעדע 15 מינוט און די רייזע דויערט 15 מינוט.
• היטרוי קאנעקט: אן אפשטעלנדיקע באדינונג קיין פאדינגטאן; באנען פארן ארויס פון היטרוי צענטראל יעדע 30 מינוט און די רייזע דויערט 27 מינוט. באנען שטעלן זיך אפ ביי הייז און הארלינגטאן וואו מ׳קען טוישן צו א באן קיין רעדינג.
• לאנדאנער אונטערגרונט (פיקאדילי ליניע):
• דרום מערב באנען