יושע ווידער

יושע (שוע) ווידער (נפ' י"ד אלול ה'תשכ"ג) איז געווען א בעל מנגן און קאמפאזיטאר. פארן צווייטן וועלט קריג האט ער געדינט אלס חזן אין קהל ספרדים אין מישקאלץ. ער איז געווען א סיגעטער חסיד.

ביאגראפיע

זיין פאטער איז געווען רבי ברוך'ל נאנאשער א בארימטער חזן און בעל תפלה, א סיגעטער חסיד.

אין די יארן פון קריג האט ער געארבעט אין א צעמענט פאבריק וואו זיין שטימע איז אביסל געווארן געשעדיגט פון די שטיקיגע לופט דארט. אבער מיט דעם אלעם איז ער נאך די קריג געוען איינער פון די גרעסטע חזנים, און מיט זיינע הערליכע הארציגע קאמפאזיציעס ווי "לעולם יהא אדם", "אהבה רבה", "ממקומך", "רבון העולמים" און נאך האט ער זיך בארימט געמאכט אין דער וועלט פון חזנות.

ער האט געוואוינט אין מאנטרעאל, קאנאדע, און פלעגט אסאך קומען אויף ניו יארק און זינגען ביים פריערדיגן סאטמארער רבי'ן רבי יואל טייטלבוים. ס'איז נאך פארבליבן א "הנרות" וואס ער האט געזינגען אין סאטמאר.

ער איז נפטר געווארן י"ד לחודש אלול אין יאר תשכ"ג.

זיינע אייניקלעך זענען אלע חסידישע סאטמארער אינגעלייט.

שטימע

ער האט געהאט א אייגנארטיגע מתיקות, ווארעמקייט און קאלאראטור וואס מאכט א מענטש צו גיין ווי ער קריכט אריין אין די נשמה ביים זינגען.

קאמפאזיציעס

וואכן

• והוא רחום
• לעולם יהא אדם
• רבון העולמים

שבת

• ממקומך

לינקען

• א זעלטענער יעלה
• זיין בארימטער רבון העולמים