שיכון סקווירא

שילד פון ניי סקווער

שיכון סקווירא, אדער ניו סקווער, (ענגליש: New Square) איז באקאנט אלס דאס ערשטע חסידישע שטעטל אין אמעריקע. עס איז געגרינדעט געווארן אין ווינטער תשי"ז, דורך רבי יעקב יוסף טווערסקי פון סקווער זצ"ל. דאס שטעטל באשטייט פון סקווערער חסידים און געפינט זיך אין ראקלענד קאונטי, ניו יארק.

היינט צו טאגס ווערט דאס געפירט דורך זיין זון, אדמו"ר רבי דוד מסקווירא שליט"א און איז באקאנט הויפטזעכליך מיט איר אטמאספערע פון עהרליכקייט און חסידישן חן.

דער דומ"ץ פון שטעטל איז רבי יוסף ישראל אייזנבערגער שליט"א. און די חברי בד"ץ - הגאון ר' שלום פאללאק שליט"א, הגאון ר' זאב נחום גאלדמינצער שליט"א. אונטער זיי זענען דא נאך מורי צדק אין כשרות און ממונות אפטיילונג א.ד.ג.

דער היינטיגער מעיאר פון ניו סקווער, איז ישראל משה שפיטצער.

א צוויי דריטל פון תושבי שיכון סקווירא, זענען בני תורה, א שיינעם חלק האבן 'הוראה', און פון די איבער צען כוללים פון סקווערן שטעטל, זענען שוין ארויסגעוואקסן גאר חשובע תלמידים, וואס זענען היינט פון די גדולי עולם.

וועלטלעכע געשטאלטן

די סקווערער מוסדות החינוך, ישיבה און וועלט בארימטע צען כוללים, האבן אין איר היסטאריע גאר חשובע תלמידים, וואס זענען היינט פון די גאר חשובע פערזענליכקייטן אינעם היינטיגן דור.

• דער היינטיגער מאכניווקער רבי - ר' יושע'לע רוקח איז א תלמיד פון דער סקווערער ישיבה.

• רבי יוחנן וואזנער פון מאנטריאל, איז דער סקווערער ראב"ד איז רבי יוחנן וואזנער שליט"א.

• ר' מיכל שטיינמעץ פון די גרעסטע פוסקים אין בארא פארק, ספעציעל רב פון דער 'בוני עולם' ארגאניזאציע, איז א תלמיד וותיק פון סקווער.

• דער סקאליער רבי - ר' רפאל גאלדשטיין, איז א תלמיד ישיבה פון סקווירא.

• ר' מנחם מענדל האגער - וויזניצער רב אין ב"ב, איז א תלמיד פון סקווערער ישיבה.

• ר' אברהם חיים שפיטצער - רב 'אור חיים' ב"פ, איז פון די ערשטע כולל יונגעלייט.

• ר' דוד קוויאט - בעל 'ברכת דוד', פון די ערשטע תושבים אין שטעטל.

• ר' הערשל דיאמאנט זצ"ל - ראש מתיבתא דלאנדאן, איז פאר'רעכענט פון די חשובסטע סקווערע חסידים.

• ר' יעקב יצחק גארדאן, מחבר ספרי פרדס יצחק, מהר"ם שיף המבואר, איז א תלמיד פון דער סקווערער ישיבה און כולל.

• רבי געציל פריעד, משפיע און מנהל פון טעלזער ישיבה אין 'אהאיא קליוולאנד' איז א תלמיד פון דער סקווערער כולל.

• הגאון ר' מנחם און זיין ברודער ר' אברהם סעקולע, 'סאדאוונע' רבנים אין בארא פארק.

• ר' יודל ניישלאס - מו"ץ בעדה החרדית ירושלים, מיט זיין ברודער ר' ירמי', סערדאהעלי רב אין ב"ב.

• ר' יושע לייפער - הרב מטעמשוואר, און נשיא מכון 'עוז והדר' העולמי.

געוועזענע כלי קודש

דער ערשטער רב אין שיכון סקווירא, איז געווען הגה"צ ר' משה ניישלאס זצ"ל - סערדאהעלער רב. נאך אים, הגה"צ ר' שמואל זלמן אפרים אונגאר זצ"ל - בן הגה"ק מקאפאוואר הי"ד.

די געוועזענע ראשי ישיבה פון דער סקווערער ישיבה ומתיבתא זענען: ר' משה גרין שליט"א, ר' אברהם חיים ברים זצ"ל, ר' דוב מאיר קרויזער זצ"ל.

דער היינטיגער חרדישער לאנדאנער רב, הרב אפרים פאדווא שליט"א, איז געווען דער דיין און ראש הכולל פונעם סקוורער שטיבל אין אייראפע, און פון די נאנטע חסידים.

באַקאַנטע פיגורן

באַקאַנטע פיגורן, ארױס צוקוּמען פֿון דעם שטעטל זענען:

• דער זינגער ליפּא שמעלצער
• דער חסידישער קאמעדיער מנשה לוסטיג

וועלטליכע אנשטאלטן

• די באקאנטע ארגאניזאציע, חסד 24\7, אזוי אויך ביקור חולים דראקלענד קאנטי זענען פראדוקטן וואס זענען געגרינדעט געווארן אין סקווערן שטעטל.

• די הויפט פאזיציע פון די וועלט באקאנטע פירמעס, נר מצוה און אסטרייכערס קוקיס, אזוי אויך מאנסי טרעילס, זענען באזיצט אינעם באשיידענעם שטעטל.

זעט אויך

• סקווירא
• דוד טווערסקי
• טשערנאבילער גזע

וועבלינק

• חנוך טעלער, סקווער (אויף ענגליש)

41°8′23″N 74°1′42″W