אונטערשייד צווישן ווערסיעס פון "קאמיל פיסארא"

פֿון װיקיפּעדיע
אינהאַלט אויסגעמעקט אינהאַלט צוגעלייגט
נאָכפֿאָלגן
בילדער
שורה 14: שורה 14:


קאַמיל פּיסאַראָ איז נפֿטר געװאָרן אין 1903 אין [[פּאַריז]]. צו קבורה האָט מען אים געבראַכט אױפֿן "פּער-לאַשעז"-[[צװינטער]].
קאַמיל פּיסאַראָ איז נפֿטר געװאָרן אין 1903 אין [[פּאַריז]]. צו קבורה האָט מען אים געבראַכט אױפֿן "פּער-לאַשעז"-[[צװינטער]].

[[בילד:Pissarro.gardenatpont.750pix.jpg|קליין|[[קאמיל פיסארא|קאַמיל פּיסאַראָ]]: דער גאָרטן אין פּאָנטואַז (1877)]]




== וועבלינקען==
== וועבלינקען==

רעוויזיע ביי 20:39, 7 אָקטאָבער 2009

קאמיל פיסארא - זעלבסט פארטרעט

קאַמיל פּיסאַראָ (פֿראַנצױזיש: Camille Pissarro; דעם 10טן יולי 1830 - 13טן נאָװעמבער 1903) איז געװען אַ פּראָמינענטער פֿראַנצױזישער קינסטלער, אײנער פֿון די גרינדער און אױסגעהאַלטענע פֿאָרשטײער פֿונעם אימפּרעסיאָניסטישן נוסח אין מאָלערײַ.

ער איז געבױרן געװאָרן אין דער שטאָט שאַרלאָטע-אַמאַליִע, אױפֿן קאַריבישן אינדזל סענט-תּומאַס, דעמאָלט אין רשות פֿון דענמאַרק (איצטער - בתולה-אינדזלען, פֿאַראײניקטע שטאַטן), אין דער משפּחה פֿון אַ פֿאַרמעגלעכן סוחר פֿון ספֿרדיש-ייִדישן אָפּשטאַם. זינט 1855 האָט ער שטענדיק געלעבט אין פֿראַנקרײַך.

אין זײַנע בילדער האָט פּיסאַראָ, בדרך-כלל, געשילדערט דאָרפֿישע לאַנדשאַפֿטן (אָפֿטמאָל מיט די פּױערים, װאָס האָרעװען אױף די פֿעלדער). האָט ער אױך געשאַפֿן מאָלערישע אימאַזשן פֿון פּאַריזער בולװאַרן.

פּיסאַראָ האָט זיך געחברט אָדער איז באַקאַנט געװען מיט פּאָל סעזאַן, פּאָל גאָגען, עדגאַר דעגאַ, קלאָד מאָנײ, קאַמיל קאָראָ און אַנדערע אָנגעזעענע פֿאָרשטײער פֿון דער קינסטלערישער סביבה.

ער איז געװען דער אײנציקער קינסטלער, װעלכער האָט אָנטײלגענומען אין יעדער אײנער פֿון די אַכט אימפּרעסיאָניסטישע אױסשטעלונגען, װאָס זײַנען פֿאָרגעקומען אין די יאָרן 1874-1886.

אין די שפּעטערע יאָרן פֿון זײַן לעבן, האָט ער אױך עקספּערימענטירט אױפֿן געביט פֿון נעאָ-אימפּרעסיאָניזם און אױסגענוצט די טעכניק פֿון "פּואַנטיליזם" (Pointillisme) אין זײַנע װערק.

קאַמיל פּיסאַראָ איז נפֿטר געװאָרן אין 1903 אין פּאַריז. צו קבורה האָט מען אים געבראַכט אױפֿן "פּער-לאַשעז"-צװינטער.

קאַמיל פּיסאַראָ: דער גאָרטן אין פּאָנטואַז (1877)


וועבלינקען

וויקימעדיע קאמאנס האט מעדיע שייך צו: קאמיל פיסארא