יצחק פרידמאן (באהוש) (ב)

רבי יצחק פרידמאן זצ"ל (דער צווייטער) (כ"ו אייר ה'תרס"ג - י"ד מנחם אב ה'תשנ"ב), בוהושער רבי

אפשטאם

רבי יצחק איז געבוירן אין שפיקאוו, כ"ו אייר ה'תרס"ג, צו זיין פאטער הרב שלום יוסף פרידמאן פון שפיקאוו, א זון פון הרב דוד פרידמאן, פון בוהוש, א זון פון הרב יצחק פרידמאן פון בוהוש, א זון פון הרב שלום יוסף פרידמאן פון סאדיגורא, א זון פון הרב ישראל פרידמאן פון רוזשין, א זון פון הרב שלום שכנא, פון פראהבישטש, א זון פון הרב אברהם המלאך, דער חסד לאברהם, א זון פון הרב דוב בער, דער מעזריטשער מגיד. און צו זיין מוטער מרת פייגא א טאכטער פון הרב מרדכי טווערסקי, פון שפיקאוו.

רבנות

אין יאר ה'תר"ף האט אויסגעבראכן א פּלאַג פון טיפוס אין אוקראינה וועלכע האט אומגעבראכט אסאך קרבנות. רבי יצחק האט פארלוירן ביידע עלטערן ביי די מגיפה, זיין מוטער איז אוועק סוף שבט, און זיין פאטער איז אוועק פורים. די חסידים פון פאטער האבן אויפגענומען די צוויי יתומים רבי יצחק מיט זיין עלטערן ברודער רבי דוד'ל אלס זייער רבי.

חנוכה ה'תרפ"א איז רבי יצחק געלונגען צו אנטלויפן קיין ראמעניע און איז אנגעקומען קיין בוהוש. אין יאר ה'תר"ץ איז ער אריבער קיין בוקארעסט, ווי ער האט אנגעפירט מיט הצלה אקטיוועטין אויף אומבאשרייבארן פארנעם.

אין יאר ה'תשי"א איז רבי יצחק אנגעקומען קיין ארץ ישראל

הסתלקות

רבי יצחק איז נפטר געווארן י"ד מנחם אב ה'תשנ"ב אין ער ליגט אין חלקת נחלת יצחק אין תל אביב.

פאמיליע

רבי יצחק האט געהייראט מרת יוכבד פייגא א טאכטער פון הרב מנחם מענדל פרידמאן, פון בוהוש. זייער טאטער:

• מרת שרה, די ווייב פון ר ישראל שלום יוסף פרידמאן פון פאשקאן.

זעט אויך

• רוזשין (הויף)

רעפערענצן

• אנציקלופדיה לחכמי גליציה, מאיר וונדר
• נר ישראל ח"ו בערכו