אליעזר הורוויץ

רבי אליעזר הורוויץ זצ"ל (ה'תק"ן - ג' חשוון ה'תרכ"א), רב אין דזשיקאוו.

אפשטאם

רבי אליעזר'ל איז געבוירן אין יאר ה'תק"ן (אומגעפעהר), צו זיין פאטער הרב נפתלי צבי הורוויץ דער ראפשיצער רב, א זון פון מנחם מענדל רובין, רב אין לינסק, באקאנט אלס רבי מענדעלע לינסקער. און צו זיין מוטער מרת רבקה די טאכטער פון הנגיד הרב צבי הירש גאלדהאמער פון דוקלא.

רבנות

רבי אליעזר'ל האט געגעסען קעסט ביי זיין שווער אין ראווא-ראסקא, ווען זיין שווער איז געווארן א יורד רח"ל האט ער זיך ערשט באשעפטיגט מיט האנדלען פון וויין, נאכהער איז ער געפארן קיין ראפשיץ וואוינען נעבען פאטער. נישט וועלענדיג אנעמען קיין רבנישע שטעלע, האט ער - האבענדיג א זייער א שיינע און זיסע שטימע - זיך געפריעווט צו ערנערען פון חזנות, אבער נישט קענענדיג ביישטיין דעם פינאנציעלען ענגשאפט, איז ער געווארן רב אין דזשיקאוו.

הסתלקות

רבי אליעזר'ל איז נפטר ג' חשוון ה'תרכ"א, אין ליגט אין דזשיקאוו.

פאמיליע

רבי אליעזר'ל האט געהייראט די טאכטער פון הנגיד הרב יחיאל איכל רויזנפעלד פון ראווא-ראסקא, (א פעטער פון הרב שלום רויזנפעלד פון קאמינקא). זייערע קינדער:

• הרב מאיר הורוויץ, ממלא מקום פון פאטער, רב אין דזשיקאוו.
• הרב ישראל הורוויץ, רב אין בארנוב.
• הרב ראובן הורוויץ, רב אין דעמביץ.
• הרב משה הורוויץ, רב אין ראזוואדאוו.
• מרת ביילא, די פרוי פון הרב מאיר נתן האלבערשטאם, א זון פון דברי חיים.
• די פרוי פון הרב חנינא הורוויץ רב אין אולינוב, א זון פון הרב יעקב הורוויץ, רב אין מעליץ

רעפערענצן

• אנציקלופדיה לחכמי גליציה, מאיר וונדר