אייאווע

היסטארישע בילד ווי האוערד דין לאזט ארויס א היסטעריש קוויטש נאכן פארלירן די דעמאקראטישע אייווא קאוקוס אין 2004 פרעזידענט קאמפיין

פרעזידענט בוש עסט רויע קארן אין אייווא

אייאויווע (IOWA) איז איינע פון די 50 שטאַטן פון אמעריקע.

זי ליגט און מיטל-מערב פון דעם לאנד, גרעניצט זיך מיט מינעסאטע אויף צפון, סאוט-דעקאטע און נעבראסקא אויף מערב, מיזורי ביי דרום, און וויסקאנסין און אילינויעס ביי מזרח.

א לאנגע שמאלע טייך וואס רופט זיך די מיסיסיפי ריווער לויפט דורך די גאנצע מזרח גרעניץ פון אייווא, דער טייך פארמירט אויס דער גאנצער מזרח גרעניץ.

פון מערב לויפט אויך דורך א לאנג שמאלע טייך וואס רופט זיך דער מיזורי ריווער, וואס פארמירט אויס דער דרום-מערב גרעניץ, וואס גרעניצט זיך מיט נעבראסקא.

די מיזורי ריווער און די מיסיסיפי ריווער זענען די צוויי לענגסטע טייכן און אמעריקע (מיזורי גרעסער), זיי ציען זיך אויפן גאנצן לענג פונעם לאנד, פון גאנץ אינטען דרום ביי נו ארליענס לוזיענע, ביז ארויף צפון אין מינעסאטע כמעט לעבן קאנאדא. זיי זענען לאנגע שמאלע טייכן אזא גאטונג ווי דער נילוס און מצרים.

די הויפט שטאט און די מערסטע באוואוינסטע שטאט איז דע מוין (DES MOINES).

אנדערע גרויסע שטעט זענען:

• סידער רעפידס (CEDAR RAPIDS).
• דעווענפארט (DAVENPORT).
• סו סיטי (SIOUX CITY).
• וואטערלו (WATERLOO).
• אייווא סיטי (IOWA CITY).
• קאנסעל בלאפס (COUNCIL PLUFFS).

עס וואוינען דארט בערך 3 מיליאן מענטשן.

די עיקר עקנאמיע אין אייווא באשטייט פון פעלד ארבייטער און פארמערס וואס פראדוצירן ווייץ און קארן.

אייווא באקומט יעדע 4 יאר די אויפמעקזאמקייט פון די גאנצע לאנד, צוליב וואס עס איז די ערשטע שטאט וואס האלט אפ די פארטיי וואלן פאר די פרעזידענט, עס רופט זיך די "אייווא קאוקאס". דאס איז בלויז אן הקדמה צו די אלגעמיינע וואלן. די קומענדיגע שטאטס וואלן, ניו העמפשיר, איז הערשט צוויי וואכן שפעטער. דעריבער טוען אלע קאנדידאטן, פון די פראמינענטסע ביז די אומבאקאנטע שמויגערלעך, שווענדן דארט פיל מיט צייט און געלט, ווייל אלע פרובירן צו האבן די ערשטע געווינס, אזוי האט די אויבערהאנט און מאמענטום פאר די קומענדיגע שטעט. די קאנדידאן שטעלן זיך אהער אלס "FARMERS FRIENDLY" פריינטליך צו פעלד ארבייטערס, ווי זיי לאזן זיך ווידעא-פאטראגראפירן ווי זיי עסן רויע קארן, אזאך וואס פארמערס טוען.