קובי אריאלי

פֿון װיקיפּעדיע
קפיצה לניווט קפיצה לחיפוש

קובי אריאלי (געב' דעם 1טן יולי 1972) איז אַ רעליגיעזער איד, אַ שרייבער אין “מעריב” און אין דעם חרדישן זשורנאַל “בקהילה”. ער וואוינט אין כפר חב"ד און טרעט אויף אלס חרדישער ווארטזאגער צו מסביר זיין די פרומע שטעלונג אויף אקטועלטעטן.

ער איז א קאמיקער, וואס טרעט אויף אויף דער ישראלדיקער טעלעוויזיע. אמאל בעיקר אלס גאסט ביי אנדערע, היינט האט ער אן אייגענע פראגראם אויף קאנאל צוויי, ווי אויך אויפן ארמיי ראדיא.


ביאגראפיע[רעדאַקטירן | רעדאקטירן קוואַלטעקסט]

יעקב (קובי) אריאלי איז געבוירן אין ירושלים. זיין זיידנס טאטע איז הרב יצחק אריאלי. ער האט געלערנט אין די חרדישע ליטווישע ישיבות "כנסת חזקיהו", "קול תורה" און "חברון".

אריאלי האט אנגעהויבן זיין טעטיקייט אלס א זשורנאליסט אין "ראדיא קול חי" און אין די חרדישע וואכנבלעטער "יום השישי" און "בקהילה". אין יאר 1998, האט אריאלי גענומען שרייבן א רעגולערן קאלום אין דער צייטונג "מעריב". דער רובריק האט עקזיסטירט ביזן יאר 2010. אין יאר 2000 האט ער גערינדעט צוזאמען מיט ידידיה מאירן און יאיר חסדיאלן דעם קאמישן ניוזלעטער "אפעס". די פאפולאריטעט וואס "אפעס" האט דערגרייכט האט געהאלפן אריאלין צו געפינען זיין ארט אין דער אלגעמיינער, וועלטלעכער ישראל-פרעסע. אריאלי האט זיך אפגעזאגט פון "אפעס" בשעת דער איז געווארן דער פערמאנענטער סאטירע אפטיילונג פון דער צוגאב צו דער צייטונג "הארץ" אין יאר 2004.

בשעתן אופשטעלן דעם "10 קאנאל", האט מען נאמינירט אריאלין צו טראנסמיטירן רעגולערע פובליציסטישע לייטארטיקלען אין ראם פון די נייעס באריכטן פונעם קאנאל. אין צוויי יאר שפעטער האט אריאלי אנגעהויבן אנצופירן צוויי מאל א וואך די פרימארגן פראגראמען פונעם קאנאל, באגלייט מיט לינוי בר גפן און ענת גורן.

אין דער זעלבער צייט האט אריאלי אנטיילגענומען אין דער גרינדונגס מאנשאפט פון "ערוץ תכלת", און האט אנגעפירט מיט דעם טאָק שאָוּ "הפאשקעוויל", באלגלייט מיט א ליאַלק אין זיין עגעשטאַלט. ער האט זיל באטייליקט אויפן קאמישן פראגראם "משחק מכור" פונעם 2טן קאנאל. אין ראם פונעם צווייטן קאנאל האט ער געפירט א דאקאמענטרישן טאָק שאָו פון 70 טיילן אונטערן נאמען "המהפכנים".

אין יאר 2006 האט ער אנטיילגענומען, ווי א גאסט אין דעם פראגראם "הרצועה" אלס "ספּייַדערמענטש", דער רעליגעיעזער ספּייַדער-מאַן. אין איינעם מיט קובי אוזן האט ער זיל באטייליקט אין "פעם בחיים".

אין יאר 2007 האט ער אנטיילגענומען אלס א מיטגלידער אין דער פראגראם "מהדורה מוגבלת".

אין 2005 האט אריאלי גערינדעט, אין איינעם מיט תרצה גרנות דעם ערשטן קןאס פאר חרדישע קופירייטערס. ס'רוב גראדואנטן פון דער קורס האבן זיך איינגעגלידערט אין טעלקאמוניקציע-מיטלען צי די רעקלאמירונגס וועזן.

צווישן די יארן 2008-2010 האט אריאלי אנפירט אלע דינסטיק דעם פראגראם "ציפורי לילה" ביי דער ראדיא סטאנציע גלי צה"ל. בשעת אורי אורבך איז געווארן א דעפוטאט אין יאר 2008, האט קובי אנגעפאנגען פערמאנענט אנפירן דעם פאפולערן פראגראם "המילה האחרונה" צוזאמען מיט עירית לינור.

אין 2011 האט ער אנגעהויבן פירן א סעריע פראגראמען אין דעם "ערוץ האוכל" און דעם 10 קאנאל, אונטערן נאמען "ארוחת שבת". אין ראם פון דעם פראגראם קאכן מיט אים געשעצטע קאכער, א מאלצייט לכבוד שבת. די פראגראם האט דערגרייכט זייער הויכע פאפולאריטעט, און האט פארוואנדלט אריאלין אין א קולטורעלער אנפירער אויך וואס שייך דער קולינארישער אנגעלגנהייט.

זינט 2010 האט אריאלי גענומען אנטוויקלען זיין בינע-אונטערנעמונג אין פארשיידענע פארמען. שוין יאר וואס ער טרעט אויף מיט זיין סטענדאפ שאו "עלילות הדוס בעיר הגדולה" (די איבערלעגנונגען פונעם פרומאק אין דער גרויסער שטאט) אויסער דעם טרעט ער אויף, צוזאמען מיט ג'קי לוין און משה להבן אין ראם פון "טיש בשלושה". מיט ג'קי לוין פירט ער א בשותפותדיקער פארשטעלונג אונטערן נאמען "צחוק עשה לנו".

אריאלי איז א פאפולערער רעדנער אין פארשיידענע טעמעס, אין איז א מיטגלידער אין כלערליי קערפערשאפטן.

אין 2012 האט אריאלי גענומען שפילן אין ראם פון דעם יידישפיל טעאטער, און האט אויפגעטראטן מיט זייער א דערפאלגרייכע פארשטעלונג, צוזאמען מיט דודו פישערן. יעדן חודש רעדאגירט ער דעם קולטורעלן פראגראם "סוגרים שבוע בצוותא",