גרינע ליניע (ירושלים)
| גרינע ליניע (ירושלים טראמוויי) הקו הירוק | |
| אינפֿא | |
|---|---|
| טיפ | טראַם־ליניע |
| לאקאציע | ירושלים |
| צאל סטאנציעס | 42 |
| ליניעס |    |
| אפעראציע | |
| געעפנט | מערץ 2026 |
| פארוואלטער | כפיר |
| טעכניש | |
| ליניע-לענג | 20.2 ק״מ |
די גרינע ליניע איז א טייל פון דער ירושלים לייכטע באנען, און די צווייטע טראַם־ליניע אין ירושלים. ענדלעך וועט די ליניע פֿארבינדן הר הצופים און דער פראנצויזישן בערגל געגנט אין צפון מיטן גילה געגנט אין דרום, מיטן מלחה גענגט אין דרום און מיט הר נוף אין מערב. די ליניע וועט זיין אומגעפֿער 20 קילאָמעטער לאַנג און וועט האָבן 42 סטאנציעס פֿאר פאסאזשירן. די ליניע וועט זיך פארבינדן צו דער עקזיסטירנדיקער רויטער ליניע ביים אריינגאנג צו דער שטאט, ביי דער בנייני האומה סטאנציע. די ליניע האט זיך טיילווייז געעפֿנט דעם 21סטן אויגוסט 2026, ווען די L3 רוטע האט אנגעהויבן פֿאָרן צווישן מלחה און הטורים. די ליניע וועט זיין אינגאנצן פארענדיגט אין 2027.[1] די קאסטן פון קאנסטרוקטירן די גרינע ליניע מיט אירע וואגאנען ווערט געשאצט אויף 10 ביליאן שקלים.[2]
אין אויגוסט 2026 האבן אנגעהויבן פראבע רייזעס אויף דער L4 רוטע צווישן גילה און גוננים סטאנציעס.[3]
| גרינע ליניע (ירושלים) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
רוטע
[רעדאַקטירן | רעדאַקטירן קוואַלטעקסט]די רוטע פון דער ליניע שטרעקט זיך אויס פונעם העברעאישן אוניווערסיטעט קאמפוס אויף הר הצופים און פראנצויזישן בערגל אין צפון ביזן גילה געגנט ביי איר דרום עק.
די ליניע גייט פֿאַרביי קלערמאן גאס, זלמן שרגאי גאס, לוי אשכול בולעוואר, חטיבת הראל גאס, בר-אילן גאַס, ירמיהו גאַסשרי ישראל גאַס ,נארדוי גאַס, אויף זלמן שזר בולעוואר, דעם אריינגאנג צו דער שטאט, אדורך דעם העברעאישן אוניווערסיטעט קאמפוס אין גבעת רם, בייט איבערבייט, הערצאג גאס, פת קנופ, און דב יוסף גאס.
אפצווייגן
[רעדאַקטירן | רעדאַקטירן קוואַלטעקסט]די ליניע איז כולל עטלעכע אָפצווייגן:
- גבעת שאול צווייג
אין 2014, איז באַשטעטיקט געוואָרן א מאַסטער פּלאַן פֿאַר דער גבעת שאול באַשעפֿטיקונג געגנט, וואָס וועט ווערן אַ הויפּט באַשעפֿטיקונג צענטער אין דער שטאָט, אַ פֿאָרזעצונג פֿון דער שטאָט־אַריינגאַנג געגנט און וועט ווערן געשטיצט דורך אַ פֿאַרלענגערונג פֿון דער לייכטער באַן.[4] די פֿאַרלענגערונג, אַרום 2 קילאָמעטער לאַנג, לויפֿט פֿון דער בן דור קנופ אויפֿן הערצל בולעוואַר, לענגאויס כנפֿי נשרים גאַס ביזן טראַנספּאָרט טערמינאַל ביים אַריינגאַנג צו הר נוף, און איז אָריגינעל געפּלאַנט געוואָרן ווי אַ פֿאַרלענגערונג פֿון דער רויטער ליניע.[5] שפּעטער איז באַשלאָסן געוואָרן צו אינטעגרירן אים ווי אַ טייל פֿון דעם גרינער ליניע פּלאַן, אַז די רוטע טיילט זיך מיט דער רויטער ליניע אין דעם אָפּטייל פֿון נווה יעקב ביז אמוניציע בערגל און פֿון דאָרט ווייטער אויף דער גרינער ליניע'ס רוטע ביז הערצל בולעוואַר, וואו זי שפּאַלט זיך אין גבעת שאול ביזן הר נוף טראַנספּאָרט טערמינאַל. די אַרבעט האָט זיך אָנגעהויבן אין יוני 2019. בעת דער אַרבעט האט מען פֿאַרביטן פֿאַרשידענע אינפֿראַסטרוקטורן, דער עפֿנטלעכער אָרט איז פֿאַרברייטערט געוואָרן, און לייכטע באַן ליניעס זענען צוגעגעבן געוואָרן.
- מלחה צווייַג
די פארלענגערונג האט אנגעהויבן אלס א פלאן פאר א צווייטראַנגיקע ליניע וואס זאל פארבינדן די צוויי קאמפוסן פונעם העברעאישן אוניווערסיטעט פון הר הצופים דורך אמוניציע בערגל ביז יפו גאס און ווייטער קיין גבעת רם (פֿריער באקאנט אלס די "אראנזשע ליניע" און אויך די "קאמפוסן ליניע" איידער מען האט באשלאסן צו פארלענגערן זי ביזן מלחה ספארט צענטער) און פון דארטן דרום ביז דב יוסף גאס לעבן דעם פת געגנט אויף א געמיינזאמען וועג מיט דער בלויער ליניע, וואו די פארלענגערונג צעטיילט זיך לעבן דעם ספארט צענטער (טעדי סטאדיום, מלחה טעניס צענטער און פיס ארענע) (טיילווייז אין א טונעל אונטערן אלמליח פאַרק), פארבייגייען דעם מלחה איינקויף מאל און דעם נאנטן טעכנאלאגיע פארק און ענדיגט זיך לעבן דער מלחה באן סטאנציע. שפעטערע פלאנירונג האט פֿארגעשלאָגן צו ענדיגן דעם טייל ביי אמוניציע היל ווייל אנדערע לייכטע באן ליניעס פון דער געגנט וועלן דערגרייכן הר הצופים, דהיינו די גילה פארלענגערונג פון דער גרינער ליניע, און די בלויע ליניע פון קטמונים ביז הר הצופים. דער יעצטיגער פלאַן פאר דער פארלענגערונג איז צו ענדיגן ביי דער הטורים סטאנציע פון דער רויטער ליניע, אזוי אז זי וועט אין פֿאקט בעיקר פארבינדן די טראנספארטאציע צענטערן ביים אריינגאנג צו דער שטאט און גבעת רם צו מלחה. א דעפּאָ ווערט געבויט אין מלחה מיט פּלאַץ פֿאַר 102 וואַגאנען אויף צוויי שטאָקן און אַן אויסהאַלטן טערמינאַל.[6] די הטורים-מלחה אָפצווייג איז דער ערשטער טייל פֿונעם "גרינע ליניע" פּראָיעקט צו ווערן געעפֿנט, און האט אָנגעהויבן אַרבעטן דעם 21סטן אויגוסט 2026.
- ארמון הנציב צווייג
א נייע רוטע, דערווייל גערופֿן די "ראזע ליניע", איז געמיינט אויסנוצן די עקזיסטירנדע שינעס צו שאַפֿן א ליניע פון הר נוף קיין ארמון הנציב. די רוטע לויפט אויף די שינעס פון דער העל־גרינער ליניע דורך גבעת שאול, וואו זי גייט אריבער צו די גרינע ליניע רעלסן אדורך גבעת רם ביזן פת קנופ, און ווייטער גייט זי אריבער צו די "בלויע ליניע" רעלסן פון פת קנופ ביז דער תלפיות אינדוסטריעלער זאנע ביז חברון גאס, און פון דארט ביז אשר ווינער גאס ביז ארמון הנציב.
געשיכטע
[רעדאַקטירן | רעדאַקטירן קוואַלטעקסט]אינפראסטרוקטור ארבעט
[רעדאַקטירן | רעדאַקטירן קוואַלטעקסט]
דעם 28סטן מאי 2018, האט מען געלייגט די ווינקלשטיין און די אינפֿראַסטרוקטור אַרבעט האָט זיך אָנגעהויבן פֿאַר דער גרינער ליניע בײַם פת קנופ צו שאַפֿן אַ גראַד צעשיידונג און זינקען פֿון דעם הערצאָג-גאָלאָמב וועג אָפּטייל, אויף א לענג פֿון 50 מעטער, כּדי צו דערמעגלעכן פֿאָרן גלייך צווישן הערצאָג גאַס און גאָלאָמב גאַס. אין יוני 2019, האָט זיך אָנגעהויבן די אַרבעט אין דער גילה געגנט. אין נאָוועמבער 2019, האָט זיך אָנגעהויבן די אַרבעט אין גבעת שאול. אין מאי 2020, האָט מען אָנגעהויבן די אַרבעט אויף בר-אילן גאַס. אין יולי 2020, האָט זיך אָנגעהויבן די אַרבעט אין די רמת אשכול און מעלות דפנה געגנטן.
אין יוני 2021 האט מען פֿארענדיגט די קאנסטרוקציע פון דער גראד צעשיידונג ביים פת קנופ. אין אקטאבער 2021 האט מען פֿארענדיגט קאנסטרוקטירן א טונעל בערך 240 מעטער לאנג, לעבן דער ארענע, דורך וועלכן וועט דער טראַמוויי אדורכגיין אלמליח פאַרק, אויפן נידעריגערן שטאק, און פארן אויף דער נייער בריק געבויט ביים ברעג פונעם פארק, ביז זי פארבינדט זיך מיט דוב יוסף גאס.[7]
אין דעצעמבער 2024, לויטן 2023 איינארדענונגען געזעץ, האט די טראנספארטאציע אויטאריטעט אנגעהויבן ארויסגעבן די גרינע ליניע ארבעט צייטפלענער. אין פֿערטן קווארטאל פון 2024, איז געזאגט געווארן אז די אינפראסטרוקטור ארבעט (אינפֿרא 1) איז געענדיגט געווארן אנטלאנג די גאנצע ליניע. אין דעם אפטייל צווישן דער טורים סטאנציע און מלחה, איז דאָס לייגן פון די שינעס (אינפֿרא 2) געענדיגט געווארן און די ערווארטעטע עפֿענונג פון דעם אפטייל איז מערץ 2026, מיט טעסט פֿארן געפלאנט צו אנהייבן אין יאנואר 2026. די גאנצע ליניע, אריינגערעכנט די אפטיילונגען אין ירמיהו, בר-אילן, גבעת שאול און גילה, איז געפלאנט צו עפֿענען אין דעצעמבער 2026.
צווייטיקע ליניעס
[רעדאַקטירן | רעדאַקטירן קוואַלטעקסט]קאַמפּוסן ליניע
[רעדאַקטירן | רעדאַקטירן קוואַלטעקסט]די צוויי קאמפוסן פונעם העברעאישן אוניווערסיטעט וועלן ווערן פֿאַרבונדן דורך די L3 טראם־רוטע פון הר הצופים דורך פראנצויזישע בערגל ביז יפו גאס און פון דארטן קיין גבעת רם און דעם ספארט קאמפלעקס אין מלחה.
די העל גרינע ליניע
[רעדאַקטירן | רעדאַקטירן קוואַלטעקסט]לויט ירושלים מוניציפאליטעט אויסגאבעס, איז פלאנירט צו אפערירן א צווייטיקע ליניע וואס וועט נוצן די אינפראסטרוקטור פון דער גרינער ליניע און דער רויטער ליניע, וואס וועט פארן אויף דער רויטער ליניע רוטע צווישן נווה יעקב און פסגת זאב און דעם פראנצויזישן בערגל ביזן אמוניציע בערגל, און פון דארט אויף דער גרינער ליניע רוטע וואס וועט דורכגיין רמת אשכול און רוממה און לעבן דער ירושלים באן סטאנציע, זיך אפצווייגן דערפון קיין קרית משה, גבעת שאול און ענדיגן לעבן הר נוף. די לענג פון דער ליניע איז 13 קילאָמעטער און שליסט איין 25 סטאַנציעס.
דרויסנדיקע לינקען
[רעדאַקטירן | רעדאַקטירן קוואַלטעקסט]
- די גרינע ליניע (ארכיווירט 16.01.2026 ביי דער Wayback Machine), אויף דער וועבזייטל פון טראַנספּאָרטאַציע מאַסטער פּלאַן
רעפערענצן
[רעדאַקטירן | רעדאַקטירן קוואַלטעקסט]- ↑ מוסטער:כלכליסט
- ↑ אורן דורי, המצור החדש שמאיים על ירושלים, ביי TheMarker, 20סטן סעפטעמבער 2016
- ↑ https://www.jerusalem.muni.il/he/residents/parking/traffic/start-greenline/
- ↑ מאסטער־פלאן פֿאר גבעת שאול
- ↑ תוכנית 9700 ירושלים הארכת הקו הראשון של הרכבת הקלה ברח' הרצל, הרב צבי יהודה, ימין-אבות, כנפי נשרים
- ↑ מוסטער:גלובס
- ↑ מוסטער:כל העיר