ברוקלין בריק
דער ברוקלין בריק (ענגליש: Brooklyn Bridge) איז איינער פון די עלטסטע און מערסט באקאנטע הענג-בריקן איבער די פאראייניגטע שטאטן. די בריק שפאנט איבער דעם איסט ריווער און פארבינדט די צוויי גרויסע ניו יארקער באראס: מאנהעטן און ברוקלין. זי איז געעפנט געווארן אינעם יאר 1883, און איז דעמאלטס פאררעכנט געווארן אלס אן אינזשענירישער וואונדער אלס די גרעסטע הענג-בריק איבער דער גארער וועלט.
פלאנירונג און דיזיין
[רעדאַקטירן | רעדאַקטירן קוואַלטעקסט]די פלאנירונג פאר א בריק וואס זאל פארבינדן די דעמאלטדיגע צוויי באזונדערע שטעט, ניו יארק (מאנהעטן) און ברוקלין, האט זיך אנגעהויבן אינמיטן דעם 19'טן יארהונדערט. די בריק איז דיזיינט געווארן דורך דעם בארימטן דייטש-אמעריקאנישן אינזשעניר דזשאן א. ראבלינג (John A. Roebling), וועלכער איז געווען א פיאנער אין דעם פעלד פון בויען בריקן מיט שטארקע שטאלענע דראנטן. ראבלינג האט אויסגעארבעט אן אייגנארטיגן פלאן וואס האט קאמבינירט קאבל-הענגערס מיט גאטישע שטיינערנע טויערן, וואס גיט פאר דער בריק איר היסטארישן און איידעלעם אויסזען ביזן היינטיגן טאג.
די קאנסטרוקציע
[רעדאַקטירן | רעדאַקטירן קוואַלטעקסט]די ארבעט אויף דער בריק האט זיך פראקטיש אנגעהויבן אינעם יאר 1869. קורץ פאר די ארבעט האט זיך אנגעהויבן, איז דער הויפט דיזיינער דזשאן ראבלינג נפטר געווארן נאך א טראגישער אומגליקספאל אויפן שטח. זיין 32-יעריגער זון, וואשינגטאן ראבלינג, האט איבערגענומען די פירערשאפט אלס הויפט אינזשעניר.
די קאנסטרוקציע האט געדויערט קנאפע 14 יאר און איז געווען באגלייט מיט שווערע פיזישע און טעכנישע אויספירונגען. וואשינגטאן ראבלינג אליין איז קראנק געווארן דורכאויס די ארבעט פון קאמפרעסטע לופט קראנקהייט (Caisson disease), און זיין ווייב, עמילי ווארען ראבלינג, האט געשפילט א קריטישע ראלע אין העלפן אנפירן די ארבעטער אויפן שטח ביז צו דער ענדגילטיגער פארענדיגונג.
די געבוי האט געקאסט 15.5 מיליאן דאלער. און ארום 27 מענטשן זענען געשטארבן אין אומפאלן אין די יארן וואס מען האט געבויעט דעם בריק.
די גרויסע עפנונג (1883)
[רעדאַקטירן | רעדאַקטירן קוואַלטעקסט]אויף דעם 24'טן מיי 1883 איז דער "ניו יארק און ברוקלין בריק" אפיציעל געעפנט געווארן פארן פובליק מיט א גרויסארטיגער צערעמאניע, וואו טויזנטער בירגער זענען געקומען מיטהאלטן די היסטארישע געשעעניש. צום ערשטן מאל אין די היסטאריע האבן מענטשן געקענט רייזן צווישן ברוקלין און מאנהעטן אן דארפן ניצן שיפן אדער פעריס. אין יענעם ערשטן טאג זענען 1800 אויטאס און 150,300 אדורכגעפארן דעם בריק.
די בריק היינט צו טאגס
[רעדאַקטירן | רעדאַקטירן קוואַלטעקסט]היינט דינט דער ברוקלין ברידזש אלס א קריטישער טראנספארטאציע קנופ פאר צענדליגער טויזנטער קארס, ווי אויך פאר אומצאליגע פוסגייער און פארערס וואס ניצן די ספעציעלע העכערע פלאטפארמע דורכאויס דעם גאנצן מעטראפאליטאַן געגנט. זי איז אנערקענט אלס א נאציאנאלע היסטארישע לאנדציישן פון ניו יארק סיטי.